رامي رضوان عن تخفيف الأحمال: ليه الحكومة بتقول للمواطن أنت مش فارق معانا؟

وجه الإعلامي رامي رضوان، عدة تساؤلات عبر حسابه الرسمي على موقع التواصل الاجتماعي «فيسبوك»، عن الحكومة الجديدة وعن كيفية الخروج من الأزمات الاقتصادية في الوضع الراهن وأبرزها أزمة تخفيف الأحمال. 

وكتب «رضوان»: «وأنا قاعد بتابع المشهد العام من بعيد، حقيقي مستغرب ومتعجب وبسأل نفسي معقول مقصود إثارة غضب الناس؟ أكيد لأ طب معقول الحكومة والدولة مش شايفين إن كده كتير وصعب جدا؟ كلام مايدخلش العقل برضو!! طب إيه؟ رفقا بنا اقتصاديا الوضع مضغوط بقاله فترة والأسعار مش هينة، الطقس صعب جدا ودرجات الحرارة قاسية وبالعافية الإنسان صابر وبيتحمل انقطاع الكهرباء ساعة واتنين».

تضارب في القرارات الحكومية

وأضاف: «فجأة وبدون سابق إنذار يبقوا ثلاث ساعات.. والأول يتقال يومين وبعدها يبقى لنهاية الأسبوع، ويا عالم هيمتد لأكثر من كده ولا لأ، بس الأكيد إن عنصر المفاجأة وتضارب القرار والكلام خلال أقل من 24 ساعة يشككوا أي حد في صدق أي رواية بتتقال، طب ليه التخبط ده؟ ليه مانمهدش للناس عشان تستعد وتعمل حسابها قدر المستطاع، على الأقل نفسيا؟ ليه مافيش مسئول يطلع يكلم الناس ويوضح ويعتذر ويفهمنا فيه إيه وليه ولحد إمتى؟ ليه الحكومة كأنها بتقول للمواطن أنت مش فارق معانا وهو كده؟».

إلغاء مباراة القمة بين الأهلي والزمالك

 
وتابع: «ورياضيا، وتحديدا كرويا، ده كرة القدم دي متنفس لملايين، متعة وإثارة وسعادة، وبتلهي الواحد شوية، وتتجلى هذه المشاعر الجميلة في النفوس والقلوب والعقول حينما يحين موعد أهم مباراة على الإطلاق بين أكبر ناديين في مصر.. الأهلي والزمالك أهم وأمتع مواجهة ينتظرها الملايين في مصر والوطن العربي فعشوائية إدارة الدوري والملف تؤدي إلى مشاكل وقيل وقال وحيص بيص وتعقيدات ومهاترات وصراعات لحد ما الزمالك انسحب وتتلغي المباراة والمواجهة الأهم.. وتتلغي معاها مشاعر الحماس والسعادة والشوق والبهجة التي كانت ستصاحبها قبل وأثناء وبعد، ومشكلة مباريات الدوري وترتيبها للأسف متكررة، دي مش أول ولا ثاني ولا ثالث مره. وكأننا نخترع شيء لا وجود له ولا مثيل له في العالم».

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.