محمد طاهر لـ«الجمهور»: لن أرد على «شتيمة» المخرج كريم العدل

كشف محمد طاهر الناقد الفني الساخر لـ«الجمهور» عن عدم استعداده للتعليق علي أي تصريح تعقيبا، علي الفيديو الذي قام بنشره علي صفحته الرسمية علي الفيس بوك، وقال في تصريح خاص: «لو هتكلموني عن أي تعليق من أي شخص علي الفيديو بتاع هنيدي، أنا مش هرد بصراحة علي «شتيمة» حد تاني، أنا عملت فيديو، لو عجب الناس تمام معجبهمش حقهم عادي، لاني حاسس إن الحوار ميستاهلش أكتر من كده بصراحة».

جاء رد محمد طاهر، بعد ما كتبه كريم العدل، عبر حسابه الشخصي علي الفيس بوك: ده مش نقد ده اسمه قلة ذوق وعيب، والعيب مش عليه لوحده، العيب على اللي بعتوله دعوة وعزموه على العرض الخاص، مش فاهم اتعزم بأنهي صفة؟!.

وتابع "العدل":"أى فنان ممكن يعمل فيلم أو أتنين أو أكتر وحشين، وممكن مايعجبكش و ده حق أصيل لأى شخص، ويمكن أن تنتقد الفيلم بأبشع الطرق، لكن دون غلط أو تجريح في الأخرين، سواء ممثل أو مخرج أو اياً كان ..دي اسمها قلة أدب.. والنقابات الفنية لابد أن تتدخل، لتوقف هذا الشخص عند حده" وتابع موجهاً حديثه للناقد محمد طاهر: «قاعد ياكل عيش بشتيمة الفنانين والفنيين، في كل فيديو من اللي بيعملهم، يبقى مليون عيب علينا أحنا كمان، وعيب أكبر كمان على النقاد الكبار، اللي ساكتين على ان الشخص ده يتقال عليه ناقد فني.»

جاء ذلك تعليقا علي الفيديو الذي قام بنشرة محمد طاهر عبر حسابه علي الفيس بوك، وإنتقد فيه فيلم مرعي البريمو، وعلق قائلا: هنيدي محتاج يتعلم تمثيل، وهذا أثار غضب الكثيرين داخل الوسط الفني.