عصام صاصا يرد على اتهامات الهجوم على أحد مطربي المهرجانات
حرص مطرب المهرجانات عصام صاصا على توضيح حقيقة الجدل المثار خلال الفترة الأخيرة بشأن اتهامه بتوجيه كلمات غير لائقة إلى أحد مطربي المهرجانات من خلال أغانيه، مؤكدًا أن ما يتم تداوله لا أساس له من الصحة.
«مش بقصد حد في أغانيَّ»
وكتب عصام صاصا عبر حسابه الشخصي على موقع «إنستجرام»: «اللي يعرفني كويس يعرف إني ميشغلنيش أي حد في الدنيا، ولا عمري حطيت ولا هحط حد في دماغي، ومش معنى إني بنزل فيديوهات أو أغاني فيها ندب أقصد بيها حد خالص».
وأضاف: «معظم الناس عارفة أنا على إيه، وهتلاقيني دايمًا رد فعل لناس عايزة تحط نفسها معايا، عشان عارفة إن الحمد لله الواحد ربنا كارمه والناس حابة شغله».
«لو حد غلط فيا بعفي عنه»
واختتم عصام صاصا رسالته قائلًا: «أنا لو حد طلع قال عليا كلمة غلط بعفي عنه لوجه الله، بس لو قال كلمتين ببدأ أوريه هو فين وأنا فين، وبعدها بسكت خالص والموضوع معايا بيموت في ساعتها».
وجاءت تصريحات عصام صاصا لوضع حد للتكهنات التي انتشرت مؤخرًا على مواقع التواصل الاجتماعي، بشأن وجود خلافات أو رسائل متبادلة بينه وبين أحد مطربي المهرجانات من خلال كلمات الأغاني.
