إبراهيم حسن: ميسي لاعب مستفز وهو السبب وراء طرد سعفان الصغير

تحدث إبراهيم حسن مدير منتخب مصر الأول لكرة القدم، عن المشادة التي وقعت عقب إحراز منتخب الأرجنتين الهدف الثالث في مرمى منتخب مصر في ثُمن نهائي كأس العالم 2026.

وقال إبراهيم حسن في تصريحات عبر شاشة أون سبورت مع الإعلامي سيف زاهر: اللي كنا بنشوفه على السوشيال ميديا حاجات كانت بتخلي الحجر يتحرك، ورد فعل الناس كان بيوصلنا وكان حافز كبير جدًا لينا، وكمان الحشد الجماهيري في أمريكا وكندا.

تكريم الرئيس لنا تتويج وأكبر مكافأة

وأضاف مدير منتخب مصر: شرف كبير لنا أن يتم تكريمنا من الرئيس السيسي، وهذا تتويج، وتلك كانت أكبر مكافأة لنا، نحكيها لأحفادنا، وأشكره لأنه متابعنا، وبنوعده إن لسه فيه كتير جاي الفترة الجاية.

وأفاد إبراهيم حسن في تصريحاته: أنا وحسام بنكمل بعض في شغلنا، وهو حافظني وأنا حافظه، واحنا بنكمل بعض ودي حاجة لازم تبقى موجودة في أي مكان خاص بـ كرة القدم ولما تشتغل لبلدك الموضوع بيختلف.

وأكد: حسام حسن عنده صبر كبير جدًّا بيقعد يحفَّظ اللاعبين كل حاجة قبل كل مباراة، وبيعيش الفريق اللي هنلاعبه وبيشتغل عليه من بدري وهو مدرب كبير جدًّا.

وأتم تصريحاته: قبل مباراة الأرجنتين كان بيقول لـ اللاعبين عندهم لاعب رقم 10 مش بيقول ميسي، والمشادة كانت بسبب إنهم مستفزين جدًّا، وميسي لاعب بارد وجاي عندنا على الدكة عايز يستفزنا، وشايف إن الحكم طبيعي، وسعفان الصغير تلقى بطاقة حمراء بسبب استفزاز ميسي لنا.