«أبوه أهلاوي».. أحمد فتحي يتحدث عن علاقته بعبد الله السعيد
كشف أحمد فتحي عن قوة علاقته بزميله السابق عبدالله السعيد، مؤكدًا أن الصداقة بينهما تمتد لسنوات طويلة خارج المستطيل الأخضر.
وقال فتحي: “أنا متربي أنا وعبدالله السعيد، وكنت بروح بيته على طول، وبينا صداقة كبيرة”.
وأضاف: “اللي أعرفه إن والده أهلاوي، بس علشان المواضيع دي بتزعل ناس، أنا مش هقول غير كده، ومش عايز أدخل في تفاصيل تانية” .
أحمد فتحي: كنت هموت وألعب نهائي القرن وشجعت الأهلي من معسكر بيراميدز
كشف أحمد فتحي، نجم الأهلي السابق، عن كواليس رغبته القوية في المشاركة بنهائي دوري أبطال أفريقيا الشهير بـ«نهائي القرن»، مؤكدًا أنه حاول بكل الطرق التواجد في المباراة، لكن اللوائح حالت دون ذلك.
وقال فتحي: «كنت هموت وألعب نهائي القرن، وكلمت الناس في النادي، لكن كابتن سيد عبد الحفيظ قالي مش هينفع بسبب اللوائح ولأني كنت ماضي في نادي تاني».
وأضاف: «قلت لهم سيبوني أو حتى أمضي للنادي شهرين بس علشان ألعب الماتش ده، لكن الموضوع ما نفعش».
وتابع فتحي حديثه كاشفًا عن موقفه وقت المباراة: «ساعة الماتش كنا في معسكر بيراميدز، وكنت قاعد هناك بشجع الأهلي، وكنت نفسي نكسب البطولة دي».
واختتم نجم الأهلي السابق تصريحاته قائلًا:«أنا اللاعب الوحيد اللي الميدالية وفلوس مكافأة البطولة جاتلي لحد البيت»، في إشارة إلى تقدير النادي له ولدوره التاريخي مع الفريق.
