عمرو السولية يكشف كواليس صادمة عن لحظة إعلان موسيماني مدربًا للأهلي
كشف عمرو السولية، لاعب وسط النادي الأهلي، خلال ظهوره في بودكاست «إحنا الإيجيبشن ليج»، عن كواليس مثيرة بعد إعلان الجنوب إفريقي بيتسو موسيماني مديرًا فنيًا للفريق، مؤكدًا أن القرار كان صدمة كبيرة للاعبين.
وقال السولية مازحًا: «محدش كان متخيل إن موسيماني يدرب الأهلي.. كانت صدمة بالنسبة لنا، أنا استغربت جدًا، ولما دخل أوضة الاجتماعات بصّيت له بطرف عيني وقلت لنفسي: أنت اللي فضحتنا قبل كده ودوّختنا، كنت عايز أقوم أمسك زمارة رقبته»، في إشارة إلى إخفاق الفريق أمام صن داونز قبل توليه تدريب الأهلي.
موسيماني رفع المعنويات من أول يوم
وأضاف السولية أن موسيماني نجح سريعًا في كسب ثقة اللاعبين من خلال حديثه الأول معهم:
«أول ما جه قال إنه مبسوط إنه في كيان كبير زي الأهلي، وإنه يعرف كل لاعب وإمكانياته وطباعه، وإنه جاي عشان ياخد دوري أبطال إفريقيا».
وأوضح أن تصريحات المدرب رفعت معنويات اللاعبين: «قالنا هساعدكم عشان نرجع نكسب إفريقيا.. وكان فاهم كل الفرق بتلعب إزاي. ومع الوقت بقينا حاسين بالثقة بسبب التكتيك والشغل اللي كنا بنشوفه في الملعب».
سر نجاح موسيماني.. محللان وراء الكواليس
وأشار السولية إلى أن نجاح موسيماني لم يكن فرديًا، بل كان وراءه جهاز معاون قوي: «اللي منجّحه كانوا الاتنين محللي الأداء اللي معاه.. كانوا بيعملوا كل حاجة وموفرين له كل التفاصيل».
وتأتي تصريحات السولية لتضيف مزيدًا من الكواليس حول واحدة من أهم الفترات في تاريخ الأهلي، والتي شهدت تتويج الفريق بلقب دوري أبطال إفريقيا 2020 بعد الفوز على الزمالك في نهائي «القاضية ممكن».
