«مش للتريند».. زوجة عصام صاصا تكشف سر إعلان الانفصال الآن
تصدرت جهاد أحمد زوجة مطرب المهرجانات عصام صاصا، مواقع التواصل الاجتماعي بعد تعليقها على خبر طلاقهما، حيث خرجت عن صمتها موضحة أن الانفصال وقع منذ فترة وليست حديثا كما يعتقد البعض.
وكتب جهاد أحمد، عبر صفحتها على موقع تبادل الصور والفيديوهات «إنستجرام»، قالت: «أنا منفصلة بقالي فترة على فكرة، مش عشان امبارح كنت بسلم على صحابي، وكل واحد فيهم معاه مراته أو خطيبته».
وأوضحت أنها أعلنت الأمر الآن بسبب كثرة التساؤلات حول اختفاء زوجها السابق: «وأعلنت دلوقتي عشان في ناس كتير بتسأل: جوزك فين؟ فقولت أريّحكم خالص وتعرفوا إنه مبقاش في حياتي ولا أنا موجودة في حياته».
وأكدت رفضها استغلال الأمر للتريند: «مش عشان تاخدوا الموضوع تريند يا عالم يا مريضة، بس يلا بينا قلة أدب بقلة أدب».
وتابعت مهددة باتخاذ إجراءات قانونية ضد أي إساءة: «واللي هيطلع يتعدى في كلامه ويتطاول فوق إنه بيوصل الخبر، أنا كمان هاخد كلام وهروح أقدّم بلاغات، حتى لو هعمل ألف بلاغ في يوم».
تعليق عصام صاصا عن انفصاله من زوجته
وأعلن مطرب المهرجانات عصام صاصا انفصاله عن زوجته جهاد أحمد، حيث أعلن كل من الطرفين خبر الطلاق، منذ قليل عبر حساباتهما على إنستجرام.
وعلق عصام صاصا على انفصاله عن زوجته، حيث كتب عبر خاصية "ستوري" على إنستجرام: "حابب أتكلم في نقطة بسيطة بس عشان بعض كلام الناس بيضايقني".
وأضاف: "يعلم ربنا اني مشفتش أي حاجة في حياتي وحشة من الست دي، ومشفتش منها غير كل خير".
واختتم عصام صاصا حديثه: "عمرها ما كانت غلطانة في حقي لا بالعكس عشان بس محدش يظلمها وربنا يصلح حال الجميع ويسترها على كل الناس".
