أسما شريف منير: مصر مش دايما هادية بس جواها طمأنينة غريبة

وجّهت الإنفلونسر والإعلامية أسما شريف منير رسالة مؤثرة عن حبها العميق لمصر، عبّرت فيها عن امتنانها وانتمائها للوطن، وذلك تزامنًا مع احتفالية السلام بين غزة وإسرائيل، واستعدادات افتتاح المتحف المصري الكبير يوم السبت الموافق 1 نوفمبر، في حدث وصفته بـ”اللحظة اللي كل مصري لازم يفتخر بيها”.

أسما شريف منير: مصر وطن الطمأنينة والسلام

ونشرت أسما عبر حسابها الرسمي على موقع إنستجرام منشورًا رصده موقع تحيا مصر، كتبت فيه“مصر بالنسبالي مش كلام كبير ولا شعارات، هي تفاصيل صغيرة محدش بيحسها غير اللي عاشها، ريحة الشارع بعد المطر، صوت الأذان وقت المغرب، الناس اللي بتضحك رغم التعب، واللي دايمًا تلاقيهم في ضهرك.”

وأضافت: “مصر يمكن مش دايمًا هادية، بس جواها طمأنينة غريبة.. تحس إن ربنا سايب في أرضها نور بيطمنك إنك هنا بخير، مصر وطن السلام.”

ظهورها بالحجاب في مهرجان الجونة

وكانت أسما شريف منير قد لفتت الأنظار خلال مشاركتها الأخيرة في مهرجان الجونة السينمائي الدولي بعد ظهورها بالحجاب، مؤكدة أن تلك المشاركة كانت مختلفة على المستويين الشخصي والمهني.

وقالت أسما: “أول مهرجان جونة ليا بالحجاب، وأكتر مرة مبسوطة فيها. السنة اللي فاتت كنت لسه بعمل كونكشنز لعالم تاني، بروح أي توك أو ماستر كلاس تهمني، بقابل ناس، بسمع وبتعلم. لكن السنة دي كنت رايحة وأنا عندي أمل أعمل حاجة ليها معنى.”

وتابعت موضحة كواليس قرار مشاركتها: “كنت مقررة مش أسافر، خصوصًا إني لسه محجبة ومعنديش لبس كفاية، لكن ربنا دايمًا بيبعتلك الباب وقت ما تكون مستعد له من جوه، مش من بره.”

أسما شريف منير تتحدث عن مهرجان الجونة

وأضافت أسما شريف منير: "قررت أكون هناك وأقدّم حاجة تفيد الناس مع عمرو من خلال مشروع عالم تاني، نعرّف الناس أكتر عليه، ونكون نفسنا بصدق.”

وختمت حديثها قائلة: “حضرت الجونة كذا مرة، مرة كمكياج آرتيست، ومرة كإنفلونسر، ومرة علشان عالم تاني، بس دي أول مرة أحس إني بقدّم نفسي بجد… من جوه. فخورة بكل اللي حققناه، وبالتيم اللي بيخليني أكمّل حلمي كل يوم.”