هاني رمزي: الأهلي يعاني من لخبطة فنية.. وثقتي في وليد صلاح «كبيرة»

أكد هاني رمزي، نجم منتخب مصر السابق، أن النادي الأهلي يمر بفترة صعبة على المستوى الفني، خاصة في ظل استمرار البحث عن مدير فني جديد خلفًا للبرتغالي خوسيه ريبيرو.

هاني رمزي: توقيت اختيار المدرب صعب

وقال رمزي، خلال مداخلة هاتفية مع برنامج "اللعبة والتانية" على راديو ميجا إف إم: "توقيت اختيار المدير الفني الجديد صعب جدًا، ودي مشكلة كبيرة بسبب إن الدوريات الأوروبية بدأت، وبالتالي فرص التعاقد مع مدرب مميز قلت. أتمنى إن المدرب الجديد يكون عنده شخصية الأهلي ويقدر يشتغل تحت ضغط."

وأضاف: "المرحلة الحالية محتاجة لاعيبة رجالة في الملعب، وبصراحة أنا مقدّر حجم الضغط اللي على وليد صلاح الدين، خاصة مع الأزمات الكتير اللي بتحاصره، وده يخليه يأجل ملف تجديد عقود بعض اللاعبين لحد ما الأمور تهدى."

وأتم رمزي: "في نواقص واضحة في تشكيل الأهلي، خصوصًا بعد رحيل كريم الدبيس والتعاقد مع محمد شكري اللي مصاب دلوقتي، وكمان مفيش بديل قوي لوسام أبو علي، لكن رغم كده، عندي ثقة كاملة إن وليد صلاح هيقدر يتعامل مع كل الأزمات دي."