جلطة وشلل جزئي.. تفاصيل مؤلمة عن الأيام الأخيرة قبل وفاة المخرج عمرو سامي

أعلن الفنان شريف إدريس، وفاة المخرج المسرحي عمرو سامي على حسابه بموقع التواصل الاجتماعي «فيس بوك»، ونعى شريف إدريس صديقه قائلًا: «إنّا لله وإنّا إليه راجعون، عمرو سامي عبد النبي توفى إلى رحمة الله، كدة يا عمرو؟».

وأضاف: كان لسه فيه حكايات كتير وحاجات كتير متكلمناش فيها.. 20 سنة من عمري جروا بسرعة كدة.. الله يرحمك ويغفر لك ويسكنك فسيح جناته ويصبر قلب مامتك وحبايبك، حبايبك كتير أوي والله يا عمرو من كتر الوجع مش لاقي كلام، الله يرحمك يارب يصبرنا على فراقك».

سبب وفاة المخرج المسرحي عمرو سامي

وأعلن أحد أصدقاء المخرج عمرو سامي تفاصيل الأيام الأخيرة في حياته، عبر حسابه الشخصي بموقع التواصل الاجتماعي «فيسبوك»: «والله عقلي رافض يصدق والله دكتوري واللي كنت بعتبره أبويا من يوم ما دخلت الكليه مات.. عقلي رافض يستوعب وقبل كده رفض يستوعب تعبك والجلطة والشلل وأنك نسيت حاجات كتير بس سبحان الله كنت حاسس بينا وباللي بيحبوك».

وأضاف: «كنت فاكرني وكنت بزورك وبسافرلك لحد متحسنت ونزلت شغلك آه مكنتش اتعافيت ومحدش كان بيفهمك بس أنا كنت ببقى مبسوط وأنت بتقول عاوز ناهد بنتي عشان أنا اللي بفهم طريقة كلامك وبفهم عاوز إيه».

وتابعت: «إحنا كنا بنحبك أوي أوي لدرجة إني مش قادرة استوعب إني مش هشوفك تاني؟، إن ربنا يصبر قلوبنا ويصبر قلب ولادك الصغيرين، حظك قليل في الدنيا بس أكيد عند ربنا كله بالثواب والأجر وأنت كنت ونعم المعلم والأستاذ، ربنا يرحمك ويغفرلك ويجعلك في الفردوس الأعلي، ادعوا له ياجماعه فضلًا».