آدم الشرقاوي يثير قلق جمهوره بعد كشف سبب غيابه لمدة عامين

تصدر اسم الفنان آدم الشرقاوي، موقع البحث الشهير « جوجل»، خلال الساعات الماضية، وذلك بعد كشفه سبب غيابه عن الساحة الفنية لمدة عامين.

آدم الشرقاوي يتصدر التريند بعد غياب عامين

وكشف آدم الشرقاوي، أن جاء سبب غيابه بسبب بعض المشاكل الصحية منها زيادة في الوزن وتجلطات في الدم. 

وكتب آدم الشرقاوي، عبر صفحته على موقع تبادل الصور والفيديوهات «إنستجرام»، قال:« كان ليا فترة طويلة ما نزّلت بوستات، بس كنت محتاج أخد بريك من سنتين كنت تعبان جدًا، كنت قريب من 110 كيلو (250 رطل)، ما كنتش قادر أتنفس كويس، عندي ضباب في الدماغ لدرجة إني ما كنتش فاكر أيامي بوضوح، آلام في المفاصل لدرجة إني ما كنتش قادر أقف كتير، والأسوأ إني كنت عندي جلطات دم في رجلي، وجسمي كله كان منتفخ بسبب مشاكل في الكلى».

وأضاف آدم الشرقاوى: «كنت بكره كل حاجة في نفسي، وما كنتش بعرف نفسي خالص لما أبص في المراية، دلوقتي أقدر أقول إني أصحّ من أي وقت فات، ورجعت لوزني الطبيعي 80 كيلو (180 رطل)، بحس إني رياضي أكتر من أي وقت، موجود جدًا في اللحظة (مافيش ضباب دماغ)، وكل أعضائي شغالة تمام، حتى لما كان عندي مشاكل صحية».

ووجه أدم الشرقاوي، رسالة شكل لكل من سانده وسأل عليه قال: "ربنا تفضل عليّ بفرص كتير، ولما حسيت إني صحتي اتحسّنت، استغليت الفرصة دي، أنا شاكر لحياتي ولكل تحدي واجهته، بشكر ربنا إنه خلاني أمر بالتجربة دي عشان دلوقتي عندي نظرة جديدة للحياة وحاسس إني مش ممكن أتحطّم، شكرًا لكل الناس اللي بتدعمني، ومتحمّس إني أشارككم اللي كنت بشتغل عليه».

آخر أعمال أدم الشرقاوي 

يذكر أن، الفنان أدم الشرقاوي، شارك في موسم رمضان 2023، من خلال مسلسل «1000 حمدالله على السلامة» بطولة الفنانة يسرا، ويشاركها في البطولة كلا من شيماء سيف، محمد ثروت، مايان السيد، آدم الشرقاوي، ومطرب المهرجانات عنبة، والفنانة سما إبراهيم، أوتاكا، مدير التصوير سامح الأمير، مهندس الديكور عمر علاء، مهندس الصوت علاء عاطف، المسلسل تأليف محمد ذوالفقار وإخراج عمرو صلاح، ومن إنتاج جمال العدل.