مها الصغيرعن انتقاد إطلالتها بمهرجان الجونة: جالي اكتئاب وعياط هيستري

وجهت الإعلامية منى الشاذلي سؤال لضيفتها مها الصغير في برنامج "معكم" المعروض على قناة ON، عن إطلالتها الغريبة بمهرجان الجونة، لافتة إلى أنها تعرضت بسببها للتنمر.

 وأجابت مها الصغير "كان لازم وقتها أخد بالي من حاجة، هحكيلك وأنا داخلة كان فيه أحمد مالك في وشي، قلتله إيه شاورلي بمعنى إنه تمام يعني، بعدين أحمد فهمي قالي لبسك جميل تحفة، ودخلت وقعدت وشايفة إني محصلتش".

جالي اكتئاب وعياط هستيري

وتابعت مها: "خرجت ببص في الموبايل لقيته هيفرقع من الرسايل، وجالي اكتئاب وعياط هستيري، أنا وقتها كنت لابسة بليزر على الفستان عشان مبقاش ملفتة، طلعت أكتر واحدة ملفتة في المهرجان، وبعدها شفت مالك، قلتله أنا كان لازم أخد بالي أنت بتلبس أوفر سايز وفهمي ألوان عجيبة، قلتلهم كان ناقصني أحمد الفيشاوي عشان أعرف أني لبست في الحيطة".

ومن ناحية أخرى، علقت الإعلامية مها الصغير طليقة أحمد السقا، على تصدر اسمها مواقع التواصل الاجتماعي خلال الفترة الماضية، واصفة إياها بأنها تشبه "الجرائد الصفراء".

قالت مها الصغير : "بحس أن السوشيال ميديا، زي زمان الجرايد الصفرا، بقيت بحس أنها مدمرة أكتر ما هي نافعة".

أشارت إلى أنه كلما زاد التطور التكنولوجي تشعر أنها "توكسيك" وسامة جدا. موضحة أن خطتها بشأن التعامل مع تلك التعليقات، هو عدم النظر إليها أو التعامل مع أي أشياء سلبية.