شيكابالا: عدلي القيعي قالي لما تيجي الأهلي هتحبه.. وكنت هتمرن بتيشيرت أبيض

أكد محمود عبدالرازق شيكابالا خلال حواره على هامش بودكاست مع أحمد حسام ميدو، عضو لجنة التخطيط بنادي الزمالك: لما رجعت من اليونان مين في مصر ساعتها يقدر يدفع فلوس مفيش غير الزمالك والأهلي بكل تأكيد.

وأضاف: الزمالك جابني 5 مرات مقر النادي وبعد كدا يقفلوا تليفوناتهم ومحدش كان يقابلني، كنا ساعتها المركز الـ13 في الدوري، كل مرة أوصل فيها النادي محدش كان يقابلني خالص، متخيل يعني إيه أروح النادي 5 مرات ولسه راجع من اليونان ومحدش يقابلني.

وأكمل: كنت هبطل كورة خالص، والناحية التانية كان كل يوم الأهلي يكلمني ويقولي احنا عايزينك، روحت قعدت معاهم واتكلمنا في كافة التفاصيل تقريبا وكنت قاب قوسين أو أدنى من الاستمرار في الأهلي.

واختتم: إحساسي أول مرة روحت أتمرن داخل النادي الأهلي بالليل، فتحولي الملعب بالليل، وكنت جايب تيشيرت أبيض، أنا مش هنا، وكان كمان عدلي القيعي قاعد معايا قولتله لو الزمالك جاب جول وأنا في دكة الأهلي هقوم، قالي لا لما هتيجي الأهلي هتحب الأهلي جدا.