مجدي عبد الغني: كهربا كان بيقولي انت ابويا وربنا مش هيكرمه عشان كوبري الاهلي
كشف مجدى عبد الغنى نجم الأهلي الأسبق كواليس أزمته مع محمود عبد المنعم كهربا نجم الاتحاد الليبي الحالي، وقال خلال تواجده ضيفا مع عمر ربيع ياسين ببرنامجه"مان تو مان" عبر صفحته الرسمية: "ماليش علاقة بأزمة كهربا مع الزمالك وهو غير صادق .. ويقول زي ماهو عايز يقول في أدلة بتثبت أنى صادق.. وعشان كدا ربنا مش هيكرمه أن شاء الله".
كهربا كان بيقولي انت ابويا وربنا مش هيكرمه
ويضيف مجدى عبد الغنى:"كان بيقولي انت ابويا ورفع سماعة التليفون وقالي عايز اروح الاهلي قولتله بلاش تعادي مجلس الزمالك وكان وقتها مرتضي منصور رئيس النادي ..لقيته ماضي وواخد فلوس.. قولتله كمل عقدك وبعدين شوف هتعمل ايه".
وأكمل عبد الغنى:"انا مش خبير خطوط ..والاتحاد الدولي الفيفا أكد علي كلامي ووقع عقوبة عليه ودفع الفلوس.. إذن كلامي صح.. كهربا وقع علي بياض وطلع قال مرتضي منصور ابويا وبعدين في اخر سنة عمل كوبري الاهلي"
وأتم مجدى عبد الغنى حديثه: "لازم يكون لاعب الكرة متعلم ومثقف عشان يقدر يكمل لان التعليم بيفرق وبيودي اللاعب في حتة تانيه ..اللاعب الجاهل حتي لو حريف كورة مش هيكمل في الملاعب".
