كيف تستخرج محضر فقد أو سرقة؟ اعرف الخطوات
في ظل تسارع وتيرة الحياة وكثرة التنقلات، ليس غريبا مواجهة أي شخص موقفا مثل فقدان بطاقة شخصية رخصة أو حتى التعرض لسرقة محفظته أو موبايله، ففي الحالتين لابد من التوجه لأقرب قسم شرطة وعمل محضر رسمي لتحمي نفسك قانونيا وتستخرج بدل فاقد للمستندات ويعرض لك موقع الجمهور في السطور التالية الخطوات ببساطة:
أولا ما الفرق بين محضر الفقد ومحضر السرقة؟
محضر الفقد لو فقدت شيئا بدون ما يكون فيه شبهة سرقة زي إنك نسيت محفظتك في مكان ومش لاقيها.
محضر السرقة لو حد سرقك فعلا سواء بالإكراه أو بدون زي سرقة موبايلك في الشارع أو كسر عربية وسرقة حاجة منها.
ثانيا خطوات استخراج المحضر
1. التوجه لقسم الشرطة
لازم تروح القسم التابع لمنطقتك أو المكان اللي حصل فيه الفقد أو السرقة.
2. تحضير البيانات والمستندات
هويتك الشخصية (بطاقة الرقم القومي).
لو عندك أي أوراق تثبت ملكيتك للحاجة المفقودة أو المسروقة (زي عقد ملكية موبايل أو صورة من البطاقة المفقودة).
3. شرح الواقعة لضابط النوبتجي
بتوضح تاريخ ووقت ومكان الحادث بالتفصيل.
في حالة السرقة ممكن يتم سؤالك عن أوصاف الجاني لو شفته، أو طريقة السرقة.
4. تحرير المحضر
الضابط بيكتب المحضر بناءً على أقوالك، وبعد كده بتوقع عليه.
5. استلام رقم المحضر
لازم تاخد رقم المحضر عشان تتابع بيه أو تستخدمه في الجهات الحكومية لاستخراج بدل فاقد.
ثالثا خطوات بعد المحضر.
تقدر تستخدم المحضر كمستند رسمي عند استخراج بدل فاقد لأي أوراق أو أجهزة مسروقة.
في حالة السرقة بيتم تحويل المحضر للنيابة للتحقيق واتخاذ إجراءات قانونية.
