بدرية طلبة: ياسمين عبدالعزيز كانت هتبعت لي طيارة خاصة عشان أحضر جنازة جوزي

كشفت الفنان بدرية طلبة، معلومات جديدة للإعلامية أميرة بدر ببرنامج "أسرار"، عن كواليس وفاة زوجها وعدم حضور النجمة ياسمين عبد العزيز الجنازة قائلة: "ياسمين فضلت معايا على الشات بعد وفاة جوزي وأنا مسافرة فرنسا وكانت عايزة تجيب لى طائرة خاصة تجيبني عشان أطلع أدفن جوزي وهي واقفة معايا ومش كل حاجة تتحكي".

وأكدت بدرية طلبة، خلال حوارها ببرنامج "أسرار"، المذاع على قناة النهار، أن ياسمين عبد العزيز جاءت لها وعزتها في وفاة زوجها بمنزلها وصدمت من وفاة جوزي، مضيفة: "صدمتها لأني قبلها كنت بكلمها على ومكنش في حاجة ثم فوجئت بخبر الوفاة على السوشيال ميديا وكانت هتمشي في الإجراءات عشان الطيارة وكنت بهديها وكانت هتتجنن عليا في الغربة وتعيط قبلي على جوزي".

وتابعت: "ياسمين عبد العزيز مش محتاجة تكون حنينة مع حد وهي حنينة طول الوقت وفي ناس كتير حاولت توقع بينا وأنا ماضية مع ياسين مسرحية في السعودية وهي لها كام حد بتحبهم جدا أنا وإيمان السيد وحسن عبد الفتاح وهي بتحب الناس بتوعها ومفيش حاجة غريبة في كده ولنا كيمياء حلوة مع بعض".