تامر حسني يتصدر الترند بعد نصيحة جمهوره بأهمية الصلاة
تصدر الفنان تامر حسني، مواقع التوصل الاجتماعي خلال الساعات الماضية، بعد نشره نصيحه لجمهوره بأهمية الصلاة وأنها سبب في تحقيق حلمه.
تامر حسني ينصح جمهوره بأهمية أداء الصلاة
وكتب تامر حسني، عبر صفحته على موقع التواصل الاجتماعي «الفيسبوك»، قائلا: «والله والله اللي بيقوله صح أنا مش شيخ ولا عامل بنصح أنا بتكلم عن حاجات مريت بيها في حياتي وكانت من أسباب وصولي لحلمي التمسك بالصلاة أيا كنت بتعمل إيه واوعى تقول ربنا مش هيقبل صلاتي.. واوعى تصدق اللي يقولك كده إوعى تحكم انت على ربنا وتشك في رحمته إنه مش هيقبل لا لا دا غلط كبير ربنا أكرم وأرحم من ما تتخيل».
تابع: «مهما أي غلط بتعمله مسير صلاتك تخليك تقلل أخطاء وواحده واحده لحد ما تبقى في المسار السليم اللي برضوا هيكون فيه أخطاء ولكن أقل ويتبعها إستغفار وتصدق وتوبه حتى لو رجعت تاني لنفس الأخطاء ورجعت عاشر ومليون ارجع تاني ومليون لربنا وأطلب منه العفو والمغفرة المهم تخليه قدام عينك طول حياتك».
ونصح تامر حسني، جمهوره قائلا: «خلوا بالكوا في أفكار بتسوق العالم ناحية إن الشخص المتدين أو الملتزم أو اللي محافظ على صلاته إنه يتكسف يقول ده قدام الناس لإن ممكن أصحابه يضايقوه بالكلام بما إن الجانب الشيطاني بقى قوي أوي في العصر ده، بس إحنا لازم نقاوم النوع ده من الفكر ونفتخر إننا بنصلي وبنركع لواحد بس وهو الله سبحانه وتعالى ومهما علا شأننا ومهما عملنا ذنوب بنركع برضو وبنتوب ونستغفر ونشكره على كل حال ونطلب منه اللي بنحلم بيه ونثق إنه هيرزقنا إذا كان بيرزق الجنين في بطن أمه والنملة في جحرها والطيور في السما».
أغنية «فعلا مبيتنسيش»
تصدر دويتو "فعلا مبيتنسيش" ،الذي طرحه المطربين تامر حسني ورامي صبري، قوائم المحتوى الموسيقي الأكثر رواجا في موقع الفيديوهات "يوتيوب".
كليب "فعلا مبيتنسيش"، احتل المركز الأول في قائمة المحتوى الموسيقي الأكثر رواجا، مع وصول عدد مشاهداته إلى ما يزيد عن المليون و780 ألف مشاهدة، بعد طرحه عبر قناة المطرب تامر حسني في موقع يوتيوب، مساء الإثنين الماضي.
تعتبر أغنية "فعلاً مبيتنسيش" من كلمات عمرو تيام، ألحان شادي حسن، وتوزيع موسيقي طارق توكل، وكليب الأغنية من إخراج تامر حسني.
