عصام صاصا لجمهوره: «مافيش في إيدي حاجة لازم أشتغل عشان أهلي»

وجه مؤدي المهرجانات عصام صاصا، رسالة إلى جمهوره وذلك عقب الانتقادات التي تعرض لها، بسبب حادث السير الذي قام به ودهسه لشخص، وإثبات التقارير أنه كان متعاطي مخدرات.

وكتب «عصام صاصا» عقب حسابه الشخصي بموقع تبادل الصور والفيديوهات «إنستجرام»: «بسم الله الرحمن الرحيم، ربنا وحده يعلم أنا بكتب الكلام دا وأنا عامل إزاى وفيا إيه، أنا بقالي أكتر من شهر قاعد من غير شغل ومعنديش أي حاجه أعملها غير أني قاعد وما باليد حيله ومستني قضاء ربنا سبحانه وتعالي».

وأضاف: «محدش هيفهم أو هيحس بالموضوع غيرى، وأنا مطلعتش اتكلمت وعدت وزدت في الموضوع كتير ومحدش شافني حته بفيديو قولت أي كلمة خالص، لكن أنا عندي شغلي وعندي عقود والتزامات لما أعملها واخلصها يا أما هدخل في قصه تانيه أنا مش قدها وشرط جزائي».

وتابع: «هنزل شغلي وهشتغل لإني مش بايدي أي حاجه غير اني اعمل كده أنا عندي أمي وعندي أخويا وعندي مراتي وابني وفرقه فيها اكتر من 35 شخص في رقبتي أنا شاب لسه ببدأ حياتي ولسه بقول يارب.. مصاريف البيت والاقساط والحاجات دي كلها اللي انتو متعرفوش عنها حاجه مين اللي هيدفعها انا طالع اتكلم لان ما باليد حيله غير انكم لازم تفهموا ان كل اللي بتسمعوا مش صح الفلوس والقصور والعربيات كل ده مش صح وحال الناس اللي شاغلين معايا كل دول حالهم واقف بسببي انا كل دول ليهم بيوت وعيال ودنيا تانيه خالص».

واختتم حديثه: «عارف ومتاكد أن ربنا مش هيورينا الشر ومش هيوريني اي حاجه وحشه ده إبتلاء من عند ربنا سبحانه وتعالي وأنا راضي بكل حاجه ومش هقول غير الحمدلله علي كل شئ والحمدلله واللي ربنا كاتبهولي هشوفوا.. سواء خير أو شر محتاج من كل الناس اللي بتحبني تدعيلي من قلبها بجد أنا عمري ما كنت شخص مؤذي وعمري ما كنت شخص وحش مع حد.. ربنا كبير وحشتوني أوي يا أحلي جمهور في الدنيا، عصام صاصا».

تابع موقع الجمهور عبر تطبيق (نبض) اضغط هــــــــنا

تابع موقع الجمهور عبر تطبيق (جوجل نيوز) اضغط هــــــــنا
الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.