رحاب الجمل لـ «الجمهور»: أنا من فانز أحمد فهمي.. و«مستر إكس» نقلة كبيرة

كشفت الفنانة رحاب الجمل، عن كواليس التعاون مع الفنان أحمد فهمي في فيلم «مستر إكس»، الذي يعرض حاليًا داخل دور العرض السينمائي، مشيرة إلى أن الفيلم يشكل نقلة كبيرة في مسيرتها الفنية.

وقالت رحاب الجمل، في تصريحات خاصة لـ «الجمهور»: «أحمد فهمي كان عنده ثقة فيا كبيرة إني أقدم معاه كوميدي، والحمد لله بسبب الثقة ديه بعدها جالي دور كوميدي تاني، مردفة: «مستر إكس بالنسبالي نقلة كبيرة».

وأشادت بموهبة أحمد فهمي، قائلة: «دي تعتبر تاني تجربة ليا مع أحمد فهمي من بعد مسلسل ريح المدام، وحبيت الشغل معاه جدًا كفنان وإنسان، وهو كوميديان مهم وأنا من الفانز بتوعه، وكان ليا الحظ إني اشتغل معاه مرتين».

وكشفت تفاصيل مشاركتها في الفيلم، قائلة: «أحمد فهمي كلمني من رمضان اللي فات وقالي اجهزي عشان هنعمل فيلم كوميدي، وأنا كنت فرحانة جدًا، ولما قريت الورق عجبني الدور، وكانت الكواليس حلوة جدًا ما بينا، واستاذ أحمد عبدالوهاب المخرج أخ وصديق لينا كلنا، فكنا بنشتغل بروح الأخوات والأصحاب وده سهل علينا كتير، وكنا مستمتعين وحابين اللي إحنا بنعمله».

يشارك في بطولة الفيلم مجموعة من الفنانين منهم هنا الزاهد، أحمد فهمي، محمد أسامة أوس أوس، محمد أنور، محمود حافظ، بيومي فؤاد، رحاب الجمل، صبري فواز، مصطفي خاطر وضيوف الشرف أكرم حسني، بيج رامي، تأليف وإخراج أحمد عبد الوهاب.