«مش قادر أسكت».. نجم الزمالك يطلق تصريحات نارية والنادي بينهار

نشر محمد رمضان هتلر نجم الفريق الأول لكرة اليد السابق بنادي الزمالك، منشورا عبر حسابه الرسمي عبر موقع التواصل الاجتماعى فيسبوك، ينتقد فيه الأحداث الجارية في البيت الأبيض، خلال الفترة الماضية.

وقال هتلر:" أنا مش قادر أسكت على اللي بيحصل فى النادى اللي بحبه وبعشقه واتمنيت العب فيه وكان ليا الشرف إنى أمثله وأرفع رايته فوق وعلى منصات التتويج اللي بيحصل فيه كتير وكتير جدا فرقة الكوماندوز عندها بطولة عربية لغاية وقتنا هذا مش عارفيين هيطلعو ولا لا".وأضاف:"عقود مش معتمدة تقريبا الفرقة كلها ما اتسجلتش وكل فرق النادى على هذا النحو الناس اللي مسئولة عن الرياضة ساكتين ليه مقيدين الأيدى ليه بدون مبرر رموز النادى الكبار جدا ساكتين ليه على حال النادى الناس كلها لازم تتحرك الناس اللي بتحب النادى من قلبها لازم تتحرك النادى بقا دولة طالعة من حرب منهار تمام على كل الأصعدة".

وأكمل:"كله بيتفرج عليه مستنى ينتهى مثلا أنا بناشد اللجنة الأولمبية وزير الرياضة الاتحادات الرياضية جميعا رموز النادى الكبار وكبار جدا يقدروا يغيروا الواقع بعد فضل الله عز وجل عشان مصلحة مصر نادى الزمالك قلعة رياضية كبيرة وتقريبا ٥٠ ٪؜ من لعيبة المنتخبات من نادى الزمالك لازم نتحرك ومن دلوقتى رجااء".

يذكر أن نادي الزمالك يعاني بشكل كبير خلال الفترة الماضية على كل الأصعدة خاصة أن الفريق يعاني من أزمة مالية طاحنة أدت إلى عدم تقاضي معظم الألعاب الأخرى عقودها خاصة فريقي اليد والطائرة واللذين كانا مصدر البطولات لميت عقبة عقب خروج فريق كرة القدم بموسم صفري، اختتمه بخروج مبكر من البطولة العربية لكرة القدم عقب التعادل مع نصر بالجولة الأخيرة من دور المجموعات.