«أنا بتاع شغل مش بتاع رشاوي» أحمد عبدالقادر يهاجم أحد صفحات الأهلي

هاجم أحمد عبد القادر، لاعب الفريق الأول لكرة القدم بالنادي الأهلي، أحد الصفحات على مواقع التواصل الاجتماعي«فيسبوك»، والتي نشرت بوست سلبي عن اللاعب.

وكتب عبد القادر على صفحته الرسمية عبر «فيسبوك»: « جمهور الاهلي اكبر منكم ياللي بتقبضو الفلوس علشان تعلو ده وتوطو ده أنا موسم كامل ساكت مفتحتش بوقي ومش هفتح بس فيه وقت لازم تتقو ربنا فيه جو الادمن بتاعكو والفلوس اللي بتتوزع عليكو وقدام عيني وحد عرض عليا اعمل حملات هجص ولقطه وهنعليك وهنخليك في السما دا مش عندي أنا ربنا بيكرمني علشان أنا عارف أنا بتعب ازاي».

وأضاف لاعب الأهلي: «هفضل طول عمري شريف مش بتاع ألف والفين جنيه أبيع بيهم كرامتي فا بلاش انتو علشان انتو لا تمسو للنادي الاهلي بأي شيء النادي الاهلي أكبر نادي في العالم مش في مصر فا اللي انتو عاوزينو ده مبعملوش والإجازة يا أنا يصفحاتكو اللي كلها نفاق ورشاوي وبقولها لآخر مرة أنا بتاع شغل مش بتاع رشاوي».

واختتم عبد القادر: «لقطة ركز جو الملعب وسيبك منهم رد في الملعب رد في الملعب ايه ما تنضجو شويه لما حد بياخد فلوس ويغلط فيك سنه كامله وأكتر ويشتم أهلك تقولي رد في الملعب ولما ترد يقولك متركزش معاهم مين قال انهم فارقين معايا أصلا ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعه علي طول بس انا اللي هنزله صباح الفل».

الصفحة الرسمية لـ أحمد عبد القادر