هديل حسن عن مصطلح السينما النظيفة: اللقب مهين

أعربت الفنانة هديل حسن عن استيائها من استخدام مصطلح السينما النظيفة قائلة: "اللقب ده مهين لأن بالتبعية أي حاجة تانية مش نضيفة يعني ايه أصلا؟ احنا بنهين مين بالمصطلح ؟".

وأضافت خلال استضافتها في برنامج فيس أوف والذى تقدمه سارة نخلة على شاشة قناة هي قائلة: "معنى كدة اننا شايفين فاتن حمامة سعاد حسنى ونادية لطفي كل النجوم رمز الجمال مش سينما نظيفة!".

وتابعت: " أنا هعمل أي دور سينما لو مكتوب كويس ومعنديش أي مشكلة أقدم دور شاذة جنسيا أو راقصة لأن الموضوع لو حلو دة هيبقي جانب من شخصيتها وبعدين دة تمثيل لو ممثلتش كل الحاجات يبقي ايه لازمة التمثيل".

كما دافعت عن فيلم أصحاب ولا أعز لمني ذكي والذي تعرض للكثير من الانتقادات لمناقشته قضية المثليين قائلة: "احنا عندنا أفلام ومسلسلات مصرية كتير ودور هنا شيحة في مسلسل موجة حارة كان حلو أوي لأنها شخصية وصولية مش شاذة ".