إيناس الدغيدي: «مستحيل أبقى زوجة تانية بس ممكن حبيبة»

علقت المخرجة إيناس الدغيدي على علاقات الحب في حياتها قائلة: «برجي برج الحوت بتاع الحب، لكن حبي دلوقتي مختلف، ممكن أحب حد مشوفهوش، في حد بحبه بس هو مش عارف، وشايفه ان ده الراجل اللي بتمناه، مش هقوله ولا ابين له، بحب شخصيته وقوته ومش شكلاً، بحب الراجل اللي عنده باور فلوس وسلطة، ومش ممكن اقوله، وكبريائي بيخسرني، بشوفه بس ميعرفش اني معجبه بيه، واوعدك لو علمتني هعمل كده ومش معايا رقم تليفونه حتى».

وقالت المخرجة إيناس الدغيدي، خلال استضافتها ببرنامج «أسرار» مع الإعلامية أميرة بدر المذاع على قناة النهار: «بيعجبني كل حاجة فيه بس متجوز ومبجيش ناحية المتجوزين، وزوجي لما حبني كان متجوز، ولا يمكن ابقي زوجة ثانية، لكن ممكن ابقى حبيبة، تفرق كتير، لأن الحب أوقات لكن مش كل يوم في البيت، واللي بيني وبينه هيبقى الحكاية الحلوة مش الوحشة، وكفاية اشوفه مرتين في الاسبوع، لكن لو ساب وجه هتجوزه بس مش هقوله اعمل كده، مش هحب بدون ارادة، انما لو مخططة  وراسمة ده مش حب".

برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.