تحقيقات المتهم الثاني نجل رجل أعمال بقضية طفل الغردقة: شربوه المخدر في الفودكا

حصل موقع الجمهور على نص التحقيقات الكاملة في واقعة مقتل الطفل رضا مراد الشهير بيوسف طفل الغردقة، الذي توفي على يد 3 أشخاص، بعدما تناول مخدر مع الكحول نتج عنها حدوث حالة تسمم أنهت حياته.
ووجهت جهات التحقيق للمتهمين "محمد.ف" طالب في الصف الأول الثانوي، و"إبراهيم.ن" 24 عاما ويعمل في الإنیمشن ومغنی راب، و"محمد .خ"24 عاما ويعمل في الانيمشن، أنهم تسببوا في وفاة المجني عليه الطفل يوسف بعدما أعطوه مخدر داخل شراب مسكر ما نتج عنه تسمم المجني عليه ووفاته وسرقه هاتفه المحمول.

تحقيقات المتهم الثاني

واستمعت النيابة العامة إلى أقوال المتهم الثاني "محمد.ف" طالب في الصف الأول الثانوي ويبلغ من العمر 17 عاما.س: ما قولك فيما هو منسوب إليك من كونك متهماً بقتل المجنى عليه الطفل رضا مراد أحمد عمداً مع سبق الإصرار بأن بيت النية وعقدت العزم على قتله، فأعددت لهذا الغرض خليطا من مادة كحولية ودواء عقارى وقمت باستدراجه لمنطقة نائية وتقديم الخليط إليه قاصدا إزهاق روحه وما أن احتساها فاضت روحه إلى بارئها وقد ارتبطت تلك الجريمة بجنحه سرقة الهاتف المحمول المبين والمملوك للمجنى؟

ج :محصلش

فلوس سلف وهاتف 

س: ما الذي حدث إذًا وما هى ظروف ضبطك وإحضارك ومثولك أمامنا؟

ج: اللي حصل أن "محمد. خ "سلف يوسف فلوس الفين جنيه واشترى يوسف منه تليفون بثلاثة آلاف جنيه ومرجعش ليه الفلوس ولا التليفون ومحمد. خ راح اشتكى لزوج مامت يوسف وبلغه أن ليه فلوس على يوسف وأنا كنت معاه وقولت إن ليه فلوس على يوسف فعلا وراح اداله الفين جنيه وقله هديك باقى المبلغ بعد 15 يوم وبعد فتره عرف أن جوز مامت يوسف مش هيدفع باقى المبلغ و"محمد .خ" فكر يجيب واحد صاحبه من برة الغردقة عشان يعرف يقلب يوسف في أى حاجة مقابل الفلوس بتاعته وصاحبه ده اسمه "إبراهيم".

وتابع المتهم الثاني خلال أقواله:  وعرفني عليه وكان خارج معايا في يوم واتعرف على يوسف وحكوا مع بعض واتفقوا يطلعوا مع بعض يشربوا خمرة  قابلت "إبراهيم .ن"  وكان معاه يوسف د عند القهوه ويوسف وقتها طلب منى فلوس وأنا اديته ۱۰۰ جنيه وراح اشتری ازازتين فودكا وبعد ما جابوهم رحنا عند سور المطار وفضلوا يشربوا هما الإثنين وأنا مشربتش وبعد ما سبتهم ورحت مشوار للبيت وفي الطريق قابلت" محمد.خ"  واداني ازازة فودكا تالته وشريط برشام كلوزا باکس و قالي وديهم لابراهيم مكان ما قعدين عند سور المطار ووديتهم ليه وإبراهيم أدى يوسف برشامتين وقاله خدهم وطلع برشامتين لنفسه وعمل نفسه هياخدهم قدام يوسف ورماهم على الأرض وقالى ارمي باقى الشريط اللي معاك وأنا رميته في مكان بعيد وسبتهم وروحت البيت وجات الشرطة البيت تاني يوم ٢٠٢٤/٢/١٥ الساعة ٣:٠٠ الصبح وطلعت ليهم مرات بابا وهى أجنبيه وسألوها عليا وهي قالتلهم إني مش موجود وأنا كنت مستخبي جوه الأوضة و كلمت بابا و جالي وقالي متطلعش لغاية ما أجيلك وجالى على الساعة ٦:٠٠ الصبح وكانت الشرطة تحت البيت واخدوني على القسم وده كل اللى حصل.

س: ما سبب ومناسبة تواجدك بالزمان والمكان سالفي الذكر؟

ج: أنا كنت نازل رايح القسم مع بابا عشان هما جم خبطوا عليا وكانوا عاوزيني.

س: من كان برفقتك آنذاك؟

ج: كان معايا بابا.

س: ما هي صلتك بالمجنى عليه رضا مراد رمضان؟

ج: هو صاحبي

س: منذ متى نشأت علاقتك بسالف الذكر؟

ج :من تلت شهور

س: ما هي كيفية تعارفك على المجنى عليه؟

ج  أنا عرفته من الشارع عشان هو ساكن في نفس منطقتي.

س: وما الذي آلت اليه تلك العلاقة تحديداً؟

ج هو احنا كنا بتتقابل مع بعض ونشرب حشيش لغاية ما بابا عرف وأنا بطلت أشرب معاه.

س: هل ظلت العلاقة قائمة بينكما عقب ذلك؟

ج: أيوه أنا كنت بقابله على خفيف بس مكنتش بشرب مخدرات معاه ثاني.

س: ما هي صلتك بالمتهمين محمد .خ ، إبراهيم. ن؟

ج: محمد كان شغال انيمشن في القرية بتاعت أبويا في مرسى علم واتعرف عليا من وقتها وإبراهيم عرفته عن طريق محمد.

مخدر وتشنجات 

س: ما طبيعة العلاقة بين المجنى عليه والمتهم محمد .خ؟

ج: هو محمد خالد صاحب يوسف وبيشربوا نوع مخدر غريب كدا مع بعض ولما بياخدوه بيحصلهم تشنجات وشلل لفترة.

س :ما طبيعة المخدر الذي يتناوله المجنى عليه والمتهم سالف الذكر؟

ج :هما كانوا بيشربوا مخدر معرفش اسمه وكانوا بيلفوه في السجاير.

س: ومن أين يتحصل سالفي الذكر على ذلك المخدر؟

ج: أنا أعرف أن محمد هو اللى بيجيبه ومعرفش بيجيبه من فين.

س: ما طبيعة العلاقة بين المجنى عليه والمتهم إبراهيم. ن؟

ج: هو إبراهيم كان ماشي معايا في يوم واتعرف على يوسف في الشارع.

س: ما هی ظروف تقابلهم لأول مرة؟

ج: أنا عرفتهم على بعض ومشيت وعرفت بعدين أنهم قعدوا مع بعض على قهوه في الكوثر.

س: ما عدد المرات التي التقيا فيها سالفو الذكر؟

ج: هما اتقابلو امرتين أول مرة اللى كانت صدفه وقعدوا مع بعض وأخدوا تليفونات بعض وثاني يوم قعدوا على القهوة واتفقوا يشربوا خمرة مع بعض.

س :وكيف وقفت على اتفاق سالفي الذكر على تناول المواد الكحولية؟

ج: أنا في اليوم ده أتصلت بإبراهيم وقلى أنه قاعد مع يوسف على قهوه ورحتلهم هناك ولقيتهم قاعدين مع بعض واتفقوا وقتها إنهم يشتروا فودكا.

س: ما زمان ومكان تقابل سالفي الذكر؟

ج هما كانوا قاعدين مع بعض يوم ٢٠٢٤/٢/١٤ في حدود الساعة ٢ الضهر على قهوة في الكوثر عند مخبز العيش البلدي.

س: ما سبب ومناسبة تواجدك بالزمان والمكان سالفي الذكر؟

ج : أنا كلمني إبراهيم وقالي تعالى اقعد معانا شويه.

اعترف على أصدقائه 

س: من القائم بشراء المواد الكحولية آنذاك؟

ج: اللي اشترى الفودكا إبراهيم.

س: من أين تحصل سالف الذكر على المواد الكحولية؟

ج: هو اشتراها من محل درينكز في الكوثر.

س :ما عدد الزجاجات التي قام بشرائها سالف الذكر؟

ج: هو اشتری ازازتین فودكا الواحدة بـ ١٠٠ جنيه.

س: من القائم بسداد قيمة تلك المواد الكحولية؟

ج: يوسف خد منى ۱۰۰ جنيه وقالي هرجعهالك واداها لإبراهيم.

س: وأين توجه سالفو الذكر عقب شراء المواد الكحولية؟

ج: هما راحوا عند سور المطار وفضوا الفودكا في زجاجة ميه معدنية عشان محدش ياخد باله وقعدوا يشربوا مع بعض وأنا سبتهم هناك ومشت عشان جاني تليفون من والدى وبعتني مشوار وسبتهم ومشيت.

س :هل قمت بالعودة لسالفي الذكر؟

ج: أنا بعد ما خلصت مشواری قابلت محمد .خ واداني شريط برشام كلوزا باکس وإزازة فودكا وقالي وديهم لإبراهيم ويوسف.

برشام منوم وفودكا

س: ما طبيعة العقار الذي تحصلت عليه من المتهم محمد خالد أنور؟

ج: هو برشام منوم اسمه كلوزا باكس.

س: هل استجبت لطلبه آنذاك؟

ج: أنا أخدت منه الحاجة ووديتها لإبراهيم ويوسف في المكان اللي كان قاعدين فيه.

س: ما الذي دعاك للموافقة على طلب سالف الذكر؟

ج أنا مكنتش أعرف أن كل ده هيحصل ومكنتش أعرف نيتهم إنهم يسرقوا يوسف.

س: ما الحالة التي كان عليها كل من المجنى عليه والمتهم إبراهيم  حال عودتك إليهما؟

ج: يوسف كان بيضحك وإبراهيم كان بيهزر معاه وهما كانوا سكرانين.

س: من القائم بإعطاء العقار آنف البيان للمجنى عليه؟

ج إبراهيم قلى هات أربعة برشامات من الشريط عشان مش هعرف اخرجهم من الشريط وأنا اديتهم ليه فعلاً وادى اثنين
ليوسف ويوسف أخدهم مع الفودكا وإبراهيم الاثنين الثانين عمل ياخدهم وبعدين رماهم بعيد من المكان.
 

س: ما سبب قيام المتهم بإعطاء المجنى عليه للعقار آلف البيان؟

ج: أنا عرفت بعدين أنه كان متفق مع محمد.خ يسرقوا التليفون او أي حاجة من يوسف مقابل الفلوس اللي كانت لمحمد .خ عند يوسف.

س كيف وقفت على ذلك الاتفاق؟

ج: أنا عرفت أن إبراهيم اتقبض عليه وهو بيحاول بيع التليفون بتاع يوسف في محل موبايلات في شارع شيرى عشان هو كلمني وقلي إنه عايز تليفون مامت يوسف عشان اتقبض عليه بتليفونه وكلمني تاني وقلي تليفونها مغلق وعايز تليفون زوجة مامته.

س: ما قصدهما من ارتكاب تلك الواقعة؟

ج :هما قصدهم يخدروا يوسف ويسرقوا من منه أی حاجة.

س: كيف تبين لك ذلك القصد؟

ج: عشان في الأيام الأخيرة كان محمد. خ
فكر يقلب يوسف بأي طريق.

س: ما مدى علمك بمخطط المتهمين سالفي الذكر؟

ج أنا مكنتش أعرف أنهم هيعملوا كده وكنت فاكر أنهم بيشربوا عادى ومعرفش إنهم هيعملوا مع يوسف كده.

س: متى اتصل علمك بمخطط المتهمين محمد .خ وإبراهيم. ن؟

أنا عرفت بعد الواقعة لما فكرت ومكنتش أعرف إنهم خططوا لسرقة يوسف.

س: ما قولك فيما قرره المتهم / إبراهيم. ن تحقيقات النيابة العامة بأنك القائم بإحضار العقار المخدر واعطائه للمجنى عليه عقب إيهامه بتأثيرة على عقله وزيادة الاستمتاع به حال اختلاطه مع المواد الكحولية؟

ج :محصلش الكلام ده اللى اداني البرشام محمد .خ  وقلي وديه لإبراهيم في المكان الموجود فيه مع يوسف واداني معاه زجاجة فودكا.

س: ما تعليلك لما قرره سالف الذكر بتحقيقات النيابة العامة؟

ج أنا معرفش بيقول الكلام ده ليه أنا مشربتش معاهم وليها فترة بطلت شرب المخدرات.

س: كيف نما إلى علمك واقعة وفاة المجنى عليه؟

ج أنا عرفت في القسم لما أخدونى ومصدقتش إنه مات ومعرفش إن كل ده هيحصل.

س: ما سبب وفاة المجنى عليه؟

ج: معرفش.

س ما تعليلك لوفاة المجنى عليه؟

ج معرفش

س: وما قولك فيما سطره المقدم إسلام عبد الحميد بمحضر تحرياته المؤرخ ٢٠٢٤/٢/١٥ الساعة ١:٠٠ مساء لإحدى المناطق النائية لتناول المواد الكحولية واعطائه أقراص المنومة بقصد إزهاق روحه؟

ج: اللي عمل كده إبراهيم ومحمد ومكنتش أعرف إنهم كانوا عايزين يسرقوه ولا يموتوه.

س: وما قولك فيما أضافه الضابط سالف الذكر من أن تحرياته دلته بانكم قصدتم من إزهاق روح المجنى عليه حتى تتمكنوا من سرقته نظير المبالغ المالية المستحقة للمتهمين الآخرين؟

ج: أنا معرفش إنهم كانوا عايزين يعملوا كده في يوسف.

س: كيف نمى إلى علمك واقعة وفاة المجنى عليه؟

ج: في القسم لما أخدوني ومصدقتش إنه مات ومعرفش إن كل ده هيحصل ولا لأ.

س: ما سبب وفاة المجنى عليه؟

ج :معرفش.

س :ما تعليلك لوفاة المجنى عليه؟

ج معرفش

س: هل من معاملات مالية بينك والمجنى عليه؟

ج: أيوه هو كان مستلف منى ألفين جنيه وهو أخدهم منى على فترات مختلفة وعمرى ما هعمل كده عشان خاطر الفلوس.