نص التحقيقات مع أحد المتهمين فى واقعة وفاة طفل الغردقة

حصل موقع الجمهور على نص التحقيقات الكاملة في واقعة مقتل الطفل رضا مراد الشهير بيوسف طفل الغردقة، الذي توفي على يد 3 أشخاص ، بعدما تناول مخدر مع الكحول نتج عنها حدوث حالة تسمم أنهت حياته.

وجاء بأوراق القضية حول الواقعة أن الأجهزة الأمنية تمكنت من تحديد شخص المجنى عليه وتبين أنه يدعى رضا مراد 15سنه طالب، وتوصلت التحريات بأن  المجنى عليه تواجد بمكان العثور عليه وبصحبته كل من :- "إبراهيم. ن" وشخص آخر يدعى "محمد .أ" حيث كشفت التحريات عن قيام "إبراهيم. ن"  بعرض هاتف محمول ماركة هواوى لاحد محلات بيع الهواتف المحمولةK ، وبإعداد الأكمنة الثابتة والمتحركة اسفرت إحداها عن ضبطه 24 عاما.

وجاء في التحقيقات التي باشرتها النيابة العامة بأن الهاتف المحمول الذي يقوم بعرضه بدون شريحه فقرر بأن الهاتف المحمول المضبوط حوزته خاص بالمجنى عليه رضا (الشهير بيوسف) والذي تعرف عليه عن طريق أحد أصدقائه، كما قرر بأنه تواجد بصحبته المجنى عليه بمكان العثور عليه وذلك لتناول المواد الكحوليه.

واستجوبت النيابة العامة داخل غرفة التحقيقات المتهم "إبراهيم .ن" 24 عاما ويعمل في الإنیمشن ومغني راب.

س: ما قولك فيما هو منسوب اليك من كونك متهماً بقتل المجنى عليه الطفل  رضا مراد (وشهرته يوسف) عمداً مع سبق الإصرار بأن بيت النية وعقدت العزم على قتله فأعددت لهذا الغرض خليط من مادة كحولية ودواء عقاري " کلوزا باكس" وقمت باستدراجه لمنطقة نائية وتقديم الخليط اليه قاصدا ازهاق روحه، وما أن احتساها حتى فاضت روحه إلى بارئها وقد ارتبطت تلك الجريمة بجنحه سرقة الهاتف المحمول المبين بالأوراق قدراً ووصفاً والمملوك للمجنى عليه وذلك على النحو المبين بالتحقيقات؟

ج/ محصلش

س/ ما الذي حدث إذا وماهي ظروف ضبطك وإحضارك ومثولك؟

ج/ اللي حصل إنى اعترفت على يوسف عن طريق صاحبي "محمد .ف"، وطلب يوسف منى نشرب مخدرات وأنا قولتله  ماليش فيها بشرب خمور بس، وقالي خلاص نشرب مرا مع بعض بعدها بيوم كلمه " محمد .ف" وقاله تعالى هنطلع مع بعض، وقعدنا على قهوه، واتفقنا نشرب خمرة واشترينا فودكا ورحنا عند سور المطار في حته فاضية، وقعدت وشربت وأنا ويوسف ومحمد  مارضيش يشرب وقال إن ابوه منعه  ميشربش وحط شويه صغيرين من الفودكا في اسبرايت وخلصنا أنا ويوسف القزازتين. 

وتابع المتهم خلال التحقيقات: " محمد .ف"  بعدها قالنا هيروح يجيب قزازه تاني وجابها ورجع واخدناها منه وكان معاه شريط برشام ، وادا اتنين منهم ليوسف واداني واحده ويوسف بلع البرشامتين في بقه وشرب وراهم خمره فودكا، وانا بصيت في البرشامه وقولت لمحمد فهيم دى بتاعت هلوسه وتعمل تسمم واتفاجئت أن يوسف اخدهم عشان محمد قاله دول هيعملوا دماغ وهتتبسط ، ومحمد  سابنا ومشي وبعدها بوقت بسيط يوسف بقى يتشنج ويرمى التليفون على الأرض رحت انا اخدته وحطيته في جيبي عشان ما يتكسرش والتشنجات زادت وأنا وقتها جريت على  عشان أشوف أى حد يلحقه معايا وبعدها قابلت  "محمد .خ" وقولتله اللى حصل ، فقالى أنه رايح يودى مراته للدكتور وخد انت تاكسي وحصله ، ولما رحت مكان ما كنت سايب يوسف ملقتهوش وكان في على الطريق حكومه فقولت اكيد لقيوه سكران واخدوه.

وواصل المتهم خلال اعترافاته:  وسبته ومشيت وقعدت مع محمد  تاني وقولتله تليفون يوسف معايا فقالى أنا ليا فلوس عند يوسف وهاخد التليفون ابيعه بس اعملی سوفت ليه، واخدنى على محل موبيلات ودخلت طلبت من صاحب المحل يعمل سوفت وبعدها بشويه جات الشرطة في المحل بتاع الموبايلات و مسكوني وقالولي أنت جبت التليفون ده من فين، وأنا قولتلهم حد اعرفه وأنا هتصلكلم بماماته عشان تفتح التليفون وكلمت "محمد .ف"،  واخدت رقم والدة يوسف وجوز امه ولما رنيت على امه لقيت تليفونها مقفول ورنيت على جوز امه رد عليا وقالى انه في الشغل والظابط كلمه وجه بعدها هو ومامة يوسف عند تمركز امنى في شارع شيرى وسالتني ام يوسف عليه وقولتلها احنا ومحمد.ف  ويوسف كنا بنشرب خمرة عند المطار وان يوسف سكر وجاتله تشنجات ذي ما قولت وبعدين اخدوني على القسم وده كل اللي حصل.

س /ما زمان ومكان ضبطك تحديداً ؟

ج: أنا أتمسكت أمبارح 14/ 2/ 2024 الساعة 8 مساء في شارع شيرى عند محل موبيلات معرفش اسمه بالغردقة.

س/ ما هي صلتك بالمتهم " محمد .خ" ؟

ج هو صاحبي

س/ منذ متى نشأت تلك العلاقة بينكم؟

ج/ انا اعرفه من 4 سنين.

س /وما هي ظروف تعارفك على سالف الذكر ؟

ج/ انا عرفته في تحدي راب في العبور بنغني راب.

س/ ما هي طبيعة عملك تحديدا؟

ج/ انا كنت شغال انيمشن في فندق اونارتي بمرسى علم ومعنى راب.

س/ وما سبب قدومك المدينة الغردقة؟

ج/ انا سبت الشغل في الفندق وجيت لمحمد  عشان هو فاتح شركة جديده للانيمشن وجيت اشتغل معاه.

س/ اين كنت تقيم خلال تلك الفترة بمدينة الغردقة؟

ج/ انا كنت قاعد مع محمد في شقته في الكوثر.

س/وما هي كيفية تعارفك على المجنى عليه رضا مراد رمضان تحديدا؟

ج/ انا اتعرفت على محمد .ف عن طريق محمد .خ  وخرجت مع محمد.ف مره وقابلت يوسف في الشارع واتعرفنا على بعض.

س/ وما هي ظروف تقابلك مع المجنى عليه آنذاك؟

ج /انا عرفت إنه صاحب محمد. خ و محمد. ف واتعرفنا على بعض.

س/متى نشأت علاقتك مع المتهم محمد ف ؟

ج /انا عرفته من أول ما وصلت الغردقة عن طريق محمد .خ.

س/ كم مره التقيت فيها مع المجنى عليه؟

ج/ انا قابلته مرتين المرة الأولى اللي لما تقابلنا في الشارع صدفه واتفقنا اننا نتقابل ثاني ونشرب مع بعض والمرة الثانية لما قعدنا وشربنا فودكا مع بعض.

س/ وما هي كيفية تقابلك مع المجنى عليه في المرة الثانية؟

ج: أنا وقتها كنت قاعد على القهوة أنا ومحمد. ف وهو كلم يوسف وقاله تعالى اقعد معانا على القهوة.

س/ متى وأين التقيت بالمجنى عليه في المرة الثانية؟

ج: احنا تقابلنا يوم 14 /2/ 2024 حوالي الساعة 2 مساء على قهوه بمنطقة الكوثر القديم.

س/ وما هو مخططكم لقضاء ذلك اليوم؟

ج: احنا اتفقنا اننا نشترى فودكا ونشربها مع بعض.

س /ومن صاحب تلك الفكرة تحديدا؟

ج: هي كانت فكرة يوسف اننا نقعد ونشرب فودكا مع بعض.

س /ومن القائم بشراء تلك المواد الكحولية آنذاك؟

ج: انا اللي رحت اشتريتها وخدت فلوسها من محمد .ف عشان يوسف قاله ادفع تمنها .

س/ ما هي طبيعة المواد التي قمتم بتناولها آنذاك؟

ج: احنا شربنا فودكا.

س/ هل شاركم المتهم محمد . ف في احتساء تلك المواد الكحولية؟

ج/ هو مرضيش يشرب معانا واخد شويه بساط وخلطهم  بسبرایت.

س/ هل من ثمة مواد أخرى قمتم بتناولها آنذاك؟

ج: انا مشربتش حاجه غير الفودكا بس يوسف شرب برشامتين

س /وما هي طبيعة ذلك العقار تحديدا؟

ج/ هو برشام منوم او بتاع هلوسه معرفش اسمه.

س /ما سبب قيام المتهم محمد . ف بإعطاء المجنى عليه ذلك العقار؟

ج: هو قالنا انه بيعمل دماغ حلوه مع الفودكا.

س /هل تناول المجنى عليه من ذلك العقار؟

ج :ايوه هو اخد برشامتين وبلعهم وشرب وراهم فودكا على طول.

س /هل كان المجنى عليه يقف على طبيعة ذلك العقار؟

ج: لا عشان هو كان وقتها سكران ومش دريان بيعمل ايه.

س /هل قمت بتناول ذلك العقار آنذاك؟

ج: انا كنت هاخد منه لكن لما بصيت فيه قولت لمحمد .ف ان البرشام ده بيعمل تسمم مع الكحول ورميته.

س/ هل قمت بتحذير المجنى عليه من تناول ذلك العقاد المذكور؟

ج: لا

س/ وما الذي حال دون ذلك؟

ج: عشان هو بلعهم على طول وملحقتش أقوله.

س/ هل يقف المتهم محمد . ف على تأثير ذلك العقار حال تناوله مع المواد الكحولية؟

ج: هو قال وقتها انه بيعمل دماغ جامده.

س/ هل صاحب تلك الاعراض قيء أو غثيان او تغير بلون جسد المجنى عليه؟

ج :ايوه هو رجع وبعدين التشنجات وقفت وبعدين التشنجات رجعتله ثاني.

س هل قصد محمد .ف ازهاق روح المجنى عليه؟

ج : لا أعلم.

س: هل قمت بإسعاف المجنى عليه عقب ظهور تلك الاعراض عليه؟

ج/ انا خوفت منه وسبته ومشيت عشان اشوف حد يساعدني وقابلت محمد. خ وقتها وبلغته باللي حصل فقالي روحله واطلبله الإسعاف، بس لما رجعت ملقتهوش في مكانه وكان في شرطة كثير في المكان فقولت اكيد لقيوه سكران والا خدوه.

س/ ما الذي دعاك لإعادة برمجة الهاتف المحمول الخاص بالمجنى عليه آنذاك؟

ج : محمد .خ قالي ادخل محل الموبيلات واعمل سوفت وير للموبيل لكي يستطيع يبيعه.

س/ لماذا استجبت لطلبه؟

ج: لأنه صاحبي ويبحث لي على شغل.

س: هل من خلافات بينك وبين المجنى عليه؟

ج: لا يوجد خلافات بيني وبينه.

س: هل لديك ثمة سوابق جنائية؟

ج لا.

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر لعملات الأجنبية، سعر العملات المحلية.