قصة حب تنتهي بدعوى خلع في مصر الجديدة بسبب خلافات حول مصاريف البيت

تقدمت فتاة ثلاثينيه بدعوي خلع ضد زوجها إلي محكمة الأسرة بالقاهرة بسبب عدم قدرة زوجها علي تلبية احتياجات المنزل ولجأ لأهله لمساعدته في المصاريف.

قضية خلع بعد خطوبة 3 سنين وحياه زوجيه كانت سعيدة 

 قالت الزوجة المتقدمة بدعوي الخلع: «أنا عمري 30 سنة ومتجوزة شاب عمره 32 سنة اتخطبنا 3 سنين وكنا بنحب بعض وعايشين قصة حب أيام الخطوبة وحتي بعد الجواز كمان عشنا مع بعض حياة سعيدة في شقتنا في مصر الجديدة وجوزي كان بيحبني وماكنش بيرفضلي طلب واللي كنت بحتاجه كان يجيبهولي، بس فجأة الفلوس بدأت تقل معاه وبقي مش قادر علي مصاريف البيت، وكمان معاملته معايا أتغيرت مبقاش زي الأول وأنا اشتكيت لأهله».

تدخل أهل الزوج لمحاولة الحفاظ علي الأسرة 

وأكملت الزوجة: «بعد ما أتخانقت مع جوزي واستمرينا لمدة سنة متخانقين، جوزي لجأ لأهله عشان يساعدوه في مصاريف البيت لأنه بقي مش قادر يكفي احتياجات ولوازم البيت، وأهله وافقوا أنهم يساعدوه ووقفوا جنبه وصالحونا علي بعض ورجعت بيتي مع جوزي ولكن مفيش حاجة اتغيرت في معاملته ليا أو في مصروف البيت اللي هو قلله ومش عاوز يزوده تاني، وأنا بقيت مش مستحمله ومش عارفه أعمل معاه أيه».

الزوجه تلجأ لمحكمة الأسرة ورفع قضية خلع 

وأضافت الزوجة: «بقيت مش عارفه اعمل ايه ومش قادرة أعيش معاه تاني في الظروف دي ولا استحمل معاملته ليا، مكانش قدامي حل غير أني أرفع عليه دعوي خلع، وذهبت إلي المحامي وطلبت منه رفع دعوى خلع في محكمة الأسرة، وتقدم المحامي برفع قضية الخلع رقم 4531».

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.