مي عمر: «يا بخته اللي يشتغل مع محمد سامي، ونعمة الأفوكاتو ست جدعة»

حلت الفنانة مي عمر، ضيفة في برنامج «أسرار»، مع الإعلامية أميرة بدر على شاشة قناة النهار، والذي يذاع في تمام التاسعة والنصف مساءً طوال شهر رمضان.

وكشفت مي عمر، خلال لقائها مع أسرار، كواليس مشاركتها في مسلسل نعمة الأفوكاتو، وعند سؤالها عن تعاونها مجدداً مع المخرج محمد سامي، رغم الانتقادات التي يتعرض إليها، أجابت: «محمد سامي مخرج أي حد يتمنى يشتغل معاه، وأنا ومحمد قصة قديمة من زمان قبل ما يخرج، وكنت بشوف هو بيعمل إيه في العمل اللي بيشتغله، والشغل اللي بيعمله، وكنت بقول يا بخته ويا حظه اللي بيشتغل معاه، وبقول يا ترى في يوم من الأيام تيجيلي الفرصة إني أعمل عمل ومحمد هو المخرج، وحظي السنة دي إنه هو اللي بييخرجلي المسلسل.

مي عمر: نعمة الأفوكاتو ست جدعة، ومن أكتر الشخصيات اللي حبتها 

وأضافت: «نعمة من أكتر الشخصيات اللي حبتها، شخصيتها مختلفة جداً في كل حاجة في طريقة كلامها في هزارها وجرأتها وتفكيرها وردودها على الناس، وعن شخصيتها في نعمة الأفوكاتو، قالت إنها ست جدعة، ضحت بحياتها علشان جوزها، يمكن هو مستأهلش دا كله، بس فيه رجالة كويسين تانين يستاهلوا».

وتابعت مي عمر: «مخفتش من الهجوم، لكن اللي يهمني هو رد الفعل على العمل، وهل فيه هجوم من الجمهور أم لا، والجمهور بيحب العمل الجيد، والجمهور بالنسبة له، عارفين أننا بنطلع حاجة حلوة اللي بيضايق ناس تانية بيطلعوا الكلام ده، ومش إحنا بس الكابل اللي اشتغل مع بعض واتعرض للانتقادات لكن فيه كتير غيرنا».

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.