كهربا: «مدحت شلبي زودها أوي ومتربص بيا وعمري ما أطلع معاه» (فيديو)

علق محمود عبدالمنعم كهربا، لاعب الفريق الأول لكرة القدم بالنادي الأهلي، على أزمته مع الإعلاميين الرياضيين بصفة عامة خاصة مدحت شلبي.

وقال محمود كهربا، خلال استضافته ببرنامج "أسرار" مع الإعلامية أميرة بدر المذاع على فضائية النهار: “ الإعلام بيبنوا برامجهم باسمي لإنهم كانوا بيجيبوا ضيوف فبيجبوا أسمي علشان يبقوا تريند”.

وأضاف لاعب النادي الأهلي: "أنا مزاجنجي ومدحت شلبي مهما حصل عمري ما اطلع معاه في برنامجه، لأنه بيجيب سيرتي بأي حاجة وحشة عشان رفضت أروحله برنامج من 3 سنين".

وتابع كهربا: " أي حد بيجيب سيرتي بحاجة وحشة بيبقى فيه موقف بيني وبينه قبلها، لكن مدحت شلبي متربص ليا لحد دلوقتي، وعندي طبع إن أي حد يقول حاجة ف ضهري كأنه مش موجود ومبشوفش الناس دي، ومبحبش الكلام لكن أحب الأفعال بس".

كهربا يكشف مواصفات فتاة أحلامه

وعن مواصفات فتاة أحلامه قال كهربا: “بفكر بقالي 4 سنين في موضوع الزواج ولدي رغبة كبيرة في أن أتزوج، ولكن أبحث عن شخصية تشبه والدتي وأن تكون محترمة وكويسة”.

وأردف: "في البيت نفسهم أتجوز وأقعد معاهم، وبالنسبة لمواصفات الشخصية التي أتمنى أن أتزوجها أن تكون طيبة وحنينة وتحافظ عليا وتقدر شغلي، وفيه كتير وبلدنا مليانة بنات كتير محترمين".

واختتم كهربا: “أهلي رقم واحد عندي، والدي ووالدتي وأخويا وأختي، هما اللي عملوا كهربا وساعدوني في حياتي، والحمد لله كنا أسرة متوسطة وأهلي وفرولي كل حاجة من صغري، ونتيجة ده عامل كل حاجة باسمهم، ووالدتي بتدعي ع اللي ظلموني وعندها احساس باللي بيحصلي قبل ما يحصل”.

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.