جواهر تصف أنغام وشيرين وآمال ماهر بهذه العبارت

كشفت الفنانة جواهر، عن رأيها في بعض المطربين، على الساحة الغنائية، معتبرة أن كلًا من أنغام، وشيرينـ وآمال ماهر، بمثابة الأهرامات الثلاثة في مصر، -على حد تعبيرها-.

قالت جواهر، خلال لقائها ببرنامج «المنسي» مع الإعلامية إنجي هشام على فضائية «هي» أمس السبت: «مش الأهرامات تلاتة؟، هما التلاتة زي بعض، مفيش حد يقدر يغني زي؛ آمال ماهر لما بتغني للست «أم كلثوم» حبيتها جدًا وبتمنالها النجاح من قلبي، والاستايلست بتاعها كان بتاعي في فترة من الفترات، كنت بقوله أنا نفسي تغني ليا حاجه هي فعلا صوت مصر».

المطربة جواهر

أضافت: «أنغام بلا منازع لكن شيرين صوت حنين وحساس مفيهوش ولا غلطة، بس ربنا يهديها لنفسها، إنما هي كفنانة مفيش ولا غلطة في غناها».

استكملت: «شيرين من حقها تزعل إن اللقب ده يروح لأنغام، وأنغام من حقها تضايق لو شيرين قالت نمبر وان، صعب تقارني بينهما، في فرق لما تكون دي مطربة، ودي مؤدية، لكن لما يكونوا هما الاتنين مطربين صعب».

اختتمت قائلة: «أنغام لما تسمعيها متقدريش تقولي غير إنها صوت مصر الأول، شيرين صوت حساس بلا منازع، وآمال ماهر تقولي يلا نسيب كل حاجه ونقعد نسمعها صعب تصنفي ما بينهم، مش الأهرامات تلاتة يبقي خلاص هما التلاتة، زي بعض وبصراحة محبش يتقال فلان صوت مصر وفلان لا».

آخر أعمال جواهر

يذكر أن آخر أعمال المطربة جواهر، فيديو كليب بعنوان «شمس الغربة»، بمناسبة رأس السنة، والأغنية من كلمات مصطفي كامل، ألحان شريف حمدان، توزيع أحمد عادل، إخراج محمد أنيس.

أيضا طرحت جواهر، فيديو كليب بعنوان «الساعة 6» وهي من كلمات سيد الشاعر، ألحان حمدي صديق، إخراج محمد أنيس.