تفاصيل خناقة أغنية «كدابة» لحسام حبيب، والملحن يرد

أثارت أغنية «كدابة» للمطرب حسام حبيب، الجدل بعد ساعات من طرحها على موقع الفيديوهات الشهير «يوتيوب».

أغنية كدابة تثير الجدل على السوشيال ميديا

وقام الموزع محمد شفيق، باتهام حسام حبيب وصناع أغنية «كدابة» باقتباس مذهب الأغنية من أخرى أنتجها لمحمود عز منذ شهر تقريبا، وحملت اسم "بياعة".

ولكن خرج الشاعر إسلام رفعت، للرد على كلام محمد شفيق عبر صفحته على موقع التواصل الاجتماعي «فيس بوك»، قائلا: «أنا مكنتش هرد .. بس مضطر أرد لأن اللي بيحصل ده تطاول، ولسه جايلي تليفون دلوقتي من صديق ليا بيقول إن في حد كاتب بوست إني واخد لحن أغنية حسام حبيب من أغنية لمغني أنا أعرفه معرفة شخصية واشتغلت معاه بالفعل وعلاقتي بيه إنه مغني ولا ملحن وموزع، يعني واضح مين اللي بيسمع من التاني».

وأضاف: «أولا مستحيل مستحيل مستحيل.. أنا اللي بقول.. إنه يكون توارد أفكار أو خواطر أو نغمات، وانا مسروق بالمللي و بالهارموني، حتي هو برافو عليه محاولة حلوة منه إنه ينط على بروباجندا حسام حبيب ويحاول نجيب سيرته ويمكن تصيب معاه.. بس أنا هخليها تصيب معاه إنه يتشهر بأنه غير أمين ومعندوش ضمير نهائي».

وواصل إسلام رفعت: "كل الناس عارفيني كويس وعارفين شخصيتي إني عمري ما أعمل حاجه بالخسة دي أو بالسذاجة دي!! إني آخد حاجة إبداعية في أكتر حاجة بحبها و هي الموسيقى من حد أو أقتبس جملة من هنا أو من هنا، والحمد لله أعمالي كلها بتتكلم عني».

تابع: «الأغنية دي الشاعر عمرو المصري بعتلي كلامها من شهر مايو 2023 اللي فات تقريبا، وأنا لحنت الكلام وعملت شكل ليها وبعتناها لأكتر من مطرب من ضمنهم حسام، وبالفعل كانت من نصيبه والأغنية جاهزة من فترة كبيرة جدا ولكن حسام اللي كان بيأخر».

وأشار إسلام رفعت: «ومرفق في البوست فيديو أنا مصوره بإيدي من الكمبيوتر بتاعي متوثق فيه تاريخ الأغنية وصوتي في الديمو.. الموزع شفيق كاتب إن أغنيتهم نازلة يوم 18/1  وحسام حبيب منزل خبر أغنية #كدابة من يوم 8/1 تقريبا فاللي هو ازاي يعني!!! وأي حد يقدر يعمل سيرش على جوجل ويتأكد من صحة كلامي».

واختتم: «آخر حاجة عايز أقولها إني معايا كل ما يثبت إن اللحن بتاعي من مستندات، وإني هتخذ كل الإجراءات القانونية مع أي حد جاب سيرتي أو اتكلم عليا بشكل مسيء وحاول ينط وعايز يتشهر».

أغنية كدابة لـ حسام حبيب 

ويذكر أن أغنية «كدابة» غناء حسام حبيب، كلمات: ‫عمرو المصري، ألحان إسلام رفعت، توزيع موسيقي أمين نبيل، من إنتاج شركة روتانا.

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.