"سيبك من الأفكار الرجعية".. خالد الفايد يُعلن عودته للغناء

أعلن الفنان خالد الفايد نجم ذا فويس كيدز، عن عودته مرة أخرى إلى الغناء، بعدما اعتزل في وقت سابق من مطلع العام الحالى، متجهًا إلى طريق الهدايا والتقرب إلى الله تعالى.

وكتب «الفايد» ، عبر حسابه الرسمي بموقع التواصل الاجتماعي «فيسبوك»: «حلو أوي إنك تعمل الحاجة اللي بتحبها وتسيبك من كل القيود والأفكار الرجعية، أول يوم أنام مرتاح نفسيًا وحاسس إني بعمل حاجة صح ولقيت نفسي وطردت الأفكار الهدامة من دماغي، انتصرت على نفسي الحمد لله».

اعتزال خالد الفايد

وكان قد أعلن الفنان خالد الفايد، وحرم الغناء والعمل بالفن، من خلال منشور نشره عبر صفحته الشخصية بـ «فيسبوك»، معلقًا: «رأيت النبي صلى الله عليه وسلم في المنام وكنت معه بجوار الصحابة في وقت نزول الوحي عليه أول مرة، كان بجانبي أبو بكر الصديق وعلي بن أبي طالب وكان في داخل بيته وجانبي ورقة بن نوفل».

كما هاجم «الفايد» من قبل، المنتج هاني محروس، بعد اعتزاله، من خلال صفحته بـ «فيسبوك»، كاتبًا: «لا يا راجل ومشتمتنيش لما بطلت وسبت شركتك، بأفظع الشتائم والشات معايا، وهعرض شتايمك ليا واستفزازك ليا قدام الناس كلها عشان أكشف لهم كذبك، لأن الكذب عندك زي أكل الحلاوة، وأسف إني هعرضها».

لكن بعد عودته للغناء، أنهى أزمته مع المنتج هاني محروس، واعتذر منه في منشور آخر بـ «فيسبوك»، كاتبًا: «أكبر غلطة عملتها في حياتي إني سمعت كلام الناس.. كنت مخلص من قلبي ..لكن شفت منهم عكس كده.. وربنا يكفيكم شر اللعب في الودن والكلام الفارغ.. ربنا يبعد عنكم أي حد بيستغلكم ويضحك عليكم باسم الدين.. ربنا يبعد عنكم أي حد عامل فيها مولانا وهو عطاط
صدقوني في حاجات مش هقدر اشرحها ليكم».

وأضاف: «ومش هقدر أقول غير إني اتسرعت وغلطت ف هاني محروس غلط كبير بسبب إني اديت ودني للناس وسيبتهم يتكلموا ويولعوا براحتهم».

واختتم: «أوعى تسلم ودنك لحد وتخليه يبخ فيها سموم.. دا درس اتعلمته حبيت اوضحه علشان محدش يقع في نفس غلطتي».