محمد الشقنقيري: مسلسل «العندليب» نجح إنتاجيا فقط

كشف الفنان محمد الشقنقيري عن رأيه في مسلسلات السير الذاتية لـ "العندليب" و"أم كلثوم" و"أسمهان" قائلا: " أنجح مسلسل سيرة ذاتية " أم كلثوم" مع إني ضد الحاجات دي وشاركت على فكرة في مسلسل " العندليب " كنت طالع أخوه والمسلسل إنتاجيًا نجح بفكر الإنتاج.

أضاف خلال حواره مع الإعلامية إنجي هشام، في برنامج المنسي عبر قناة هي: أنا ضد الأفلام اللي تتعمل مسلسلات زي رد قلبي ونحن لا نزرع الشوك يتعمل مسلسل، الأفلام دي علامات والسير الذاتية صعب نجاحها لأن أولا عشان تنجح لازم تجيبي حد الناس مشافتهوش".

تابع : يكون واحد اتوفي من 400 أو 500 سنة مكنش حد شافه ومكنش في تليفزيون أو الصحافة يعرفوا يجيبولك صورته، عشان الناس غصب عنها بتقارن الشكل دي نقطة، تاني نقطة لازم يكون عندك ناس مؤرخين لأن التاريخ دا مينفعش نزيف فيه.

ختم الشقنقيري قائلا: "ممكن تجيبي أحداث زي مثلا معركة اليرموك وتعمليه فيلم، لكن سيرة ذاتية صعب وخصوصا الحاجات اللي هي العلامات دي، أم كلثوم دي علامة، وأستاذ عبد الحليم حافظ دا علامة، أسمهان دي علامة".