بعد مستر إكس| أحمد فهمي عن هنا الزاهد إضافة قوية لأي عمل

أشاد الفنان أحمد فهمي بزوجته الفنانة هنا الزاهد، بعد تعاونهما في فيلم «مستر إكس»، المقرر طرحه داخل دور العرض السينمائي ضمن قائمة أفلام عيد الأضحى 2023.

وكتب «فهمي» عبر خاصية استوري بحسابه الرسمي على موقع التواصل الاجتماعي «إنستجرام»: «أنا اللي مبسوط جدًا إني اشتغلت معاكي يا حبيبتي وإن شاء الله نكسر الدنيا زي كل الحاجات اللي اشتغلناها سوا وانتي دايما إضافة قوية وكبيرة لأي عمل».

من جانبه، أعربت الفنانة هنا الزاهد عن سعادتها بتعاونها مع زوجها أحمد فهمي، مشيرة إلى المجهود الذي بذله زوجها في هذا الفيلم بداية من كتابته وصولًا إلى تمثيله.

وكتبت هنا عبر خاصية استوري بحسابها الرسمي بموقع التواصل الاجتماعي «إنستجرام»: «أنا شهادتي مجروحة بس عايزة أقول أحمد أشتغل على الفيلم ده أكتر من سنة وتعب جدًا في الكتابة من قبل ما أكون حتى في الفيلم، وكان دايمًا بيحكيلي عن تفاصيل الفيلم وهو متحمس وهو كان لسه مجرد فكرة مكتوبة على ورق».

وأضافت: «ربنا هيعوض تعبك ومجهودك وربنا يكرمنا على قد تعبنا فيه، اشتغلنا قبل كده مع بعض في مسلسل الواد سيد الشحات وربنا كرمنا فيه ويارب يكرمنا في الفيلم ده كمان، أول فيلم مع بعض متحمسة جدًا الناس تشوفوه».

ويضم طاقم عمل الفيلم كلًا من أحمد فهمي، هنا الزاهد، أوس أوس، محمود حافظ، بيومي فؤاد، رحاب الجمل، عمرو يوسف، مصطفى خاطر، صبري فواز، من تأليف وإخراج أحمد عبدالوهاب.