لميس الحديدي: «مبارك أدخل التوك توك والعشوائيات في كل حاجة في حياتنا»

قالت الإعلامية لميس الحديدي خلال تقديم برنامجها كلمة أخيرة على قناة أون تي في: إن الرئيس الأسبق حسني مبارك أدخل التوك توك والعشوائيات في كل حاجة في حياتنا وخلى كل حياتنا عشوائية ولا ننسى صخرة الدويقة.

وأضافت في ذكرى 2011 وفي ظل الأوضاع الحالية بنلاقي ناس تقول الله يرحم أيام مبارك والكلام دا وراه ناس احنا عارفينهم، والناس بتتجر وراهم للأسف، واحنا لازم نوضح ليهم إن مبارك هو سبب الأزمة من الأساس بتخليه عن التنمية وترك العشوائية تنتشر.

وأوضحت ان الاستثمارات العامة كانت 38 مليار جنيه فقط من اجمالي نفقات 290 مليار دولار، وفضلنا عايشين مستنيين تساقط ثمار النمو زي ما كان بيتقال وبيتروج ليها وقتها ولما تساقطت تساقطت على دماغنا ودماغ اللي جايين، ولولا إعفاء نادي باريس لـ50% من ديون مصر وقتها بعد حرب الخليج ولو متمش التناول منعرفشي كان وضعنا هيبقى إيه.

وتابعت مبارك ساب الجماعات تلعب في كل مكان في البلد ما عدا الحكم، وفتح ليهم كل حاجة وعقد معاهم صفقات وانتهى الأمر بأنهم قفزوا على الحكم وعلى الثورة.

واستكملت إن الي على راسه بطحة ميحدفقشي الناس بالطوب ومصر مكانتشي أعظم بلد واحنا نسينا كل دا تحت ضغط الأزمة ونسينا قضية القصور الرئاسية وكل الأزمات.

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.