لميس الحديدى: «محدش يترحم على أيام مبارك، قعدنا 30 سنة دون خطوة لقدام»

قالت الإعلامية لميس الحديد خلال تقديمها لبرنامجها كلمة أخيرة على أون تي في، محدش يترحم على أيام مبارك، وبسببه قعدنا 30 سنة بدون خطوة لقدام في عهده، وأنا بسمع البعض يقول الله يرحم أيام مبارك.

وأضافت خلينا نتكلم بصراحة، احنا فعلا في ظروف صعبة لكن سببها عدم التنمية في أيام مبارك، ولو هنقارن ممكن نقارنه بأيام اللي قبله وأيام عبدالناصر، واحنا مبقناش نمر على النيل رغم إن في دول بدأت معانا وهما صعدوا واحنا لأ.

وتابعت: مبارك ساب لينا فيروس سي والأمراض وحاجات كتيرة واحنا دلوقتي بندفع فاتورة دا كله بسبب مبارك وسياساته وعدم تنمية مصر.

واستكملت: مبارك مكنشي بيواجه الدعم وسعر الصرف ولا الطرق المنهارة ولا الصحة ولا التعليم، ولا الصرف الصحي اللي مدخلشي الريف، والفقر اللي كان بيزد 1% كل سنة رغم زيادة النمو والدولة معملتشي ولا حاجة، زي اللي بيحط التراب تحت السجادة.

وقالت مبارك رفض يواجه كل حاجة وسابها متأجلة وكان في معدلات نمو راحت في الدعم ولم يستغلها في تحقيق التنمية وهناك فرق بين التنمية والنمو، وكل معدلات النمو في الفترة دي راحت بدون تنفيذ أي شيء، ولابد إننا نحسب كل حاجة بظروفها ووقتها، ولو هنقارن لازم نقارنه باللي قبله.

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.