عمرو أديب عن أزمة الدولار: «لو انتهت خلاص مفيش مشاكل تاني»

علق الإعلامي عمرو أديب على أزمة الدولار، قائلا: "لو الأزمة دي انتهت خلاص مفيش مشاكل تاني".

وقال أديب، خلال برنامجه "الحكاية"، المذاع على قناة إم بي سي مصر: "الفترة الجاية صعبة وممكن يكون فيها بعض المشاكل، أنصاف الحلول عمرها ما بتجيب نتيجة ولازم نواجه الحاجات اللي قدامنا".

وأضاف: "المواطن لازم يعمل حسابه، أحيانا ممكن يكون معاك فلوس ومش عارف تجيب حاجة، يبقى خلاص مفيش، والمركب لازم تمشي".

وتابع: "المرحلة الجاية صعبة قد نعبرها ومنعرفش الأيام فيها إيه".

وفي وقت سابق، طالب الإعلامي عمرو أديب، الحكومة بعدم قطع الكهرباء في شهر رمضان، مطالبا بضرورة إيجاد حل لأزمة انقطاع التيار الكهربائى، قائلا: “لازم الناس تدخل رمضان والنور مايقطعش لازم يكون فى حل وتنفيذ وإرادة واضحة، إحنا مش داخلين سينما”.

وأضاف عمرو أديب: "المسألة محتاجة خطة طوارئ حربية اقتصادية.. اسألوا ناس جديدة الناس القديمة خلاص كتر خيرهم وعملوا اللى عليهم.. المرحلة دلوقتى صعبة.. نحن فى وضع صعب ونحتاج ناس أقوياء مستمرة وموجودة".

وكانت الحكومة قد أعلنت تغيير مواعيد تخفيف أحمال الكهرباء خلال الفترة الحالية، وعدم انقطاع الكهرباء ليلاً، وذلك بالنظر لبدء أعمال امتحانات منتصف العام، وسيتم ضغط الفترة الخاصة بتخفيف الأحمال لتكون من 11 صباحاً وحتى الخامسة مساءً، على أن تعلن الوزارة جداول تخفيف الأحمال لكل منطقة (ساعتين لكل منطقة)، بحيث تنتهي فترة التخفيف في الخامسة مساءً.

الجمهور، موقع إخباري شامل يهتم بتقديم خدمة صحفية متميزة للقارئ، وهدفنا أن نصل لقرائنا الأعزاء بالخبر الأدق والأسرع والحصري بما يليق بقواعد وقيم الأسرة المصرية، لذلك نقدم لكم مجموعة كبيرة من الأخبار المتنوعة داخل الأقسام التالية، الأخبار، الاقتصاد، حوادث وقضايا، تقارير وحوارات، فن، أخبار الرياضة، شئون دولية، منوعات، علوم وتكنولوجيا، خدمات مثل سعر الدولار، سعر الذهب، سعر الفضة، سعر اليورو، سعر العملات الأجنبية، سعر العملات المحلية.