بنت أصول، العوضي يكشف تفاصيل زيارة ياسمين له في المستشفى عقب الطلاق

كشف الفنان أحمد العوضي تفاصيل حالته الصحية، بعدما تعرض لوعكة صحية منذ بضعة أيام، أدت إلى نقله لمستشفى لتلقي العلاج اللازم.

وقال أحمد العوضي خلال مداخلة مع الإعلامي شريف عامر في برنامج يحدث في مصر على شاشة قناة mbc مصر: الحمد لله رب العالمين والكلام اللي اتقال كلام كتير وده طبعًا بشوفه حب من الناس والاهتمام، والموضوع إني كنت في الفترة الأخيرة بصور طول الوقت ومفيش أي راحة وجالي دور برد شديد فأهملت فيه.

وأضاف العوضي: وقلت أنا هتمرن واشتغل عادي لحد ما حصلي رعشة وروحت للدكتور وقالي لازم أقعد 4 أيام في المستشفى عشان الإهمال اللي بعمله وإن شاء الله هخرج بكرة، وأنا وياسمين حالة خاصة جدًا وإحنا قصة كبيرة والعالم العربي كان معانا قلبًا وقالبًا والانفصال تم بطريقة تليق بينا وبحب الناس لينا.

وأردف أحمد العوضي: رغم إننا متطلقين لما سمعِت إن أحمد تعب في التصوير، بعتتلي قالتلي انت كويس؟ والمفروض هروح، وهي أول واحدة قولتلها وأنا روحت المستشفى لقيت ياسمين داخلة عليا ومسابتنيش لحظة وده مش جديد عليها وحبيتها عشان هي بنت أصول وفيه بينا احترام وأصل وده مستغربتوش منها وده كنت مستنيه، وأنا حبيت أطمن كل إخواتي من خلالكم.

وتعرض الفنان أحمد العوضي لوعكة صحية مفاجئة، مساء يوم الأحد الماضي، نتيجة استنشاقه أول أكسيد الكربون، الذي نٌقل على إثرها إلى أحد المستشفيات، لإجراء الفحوصات الطبية اللازمة.

تفاصيل الحالة الصحية لـ أحمد العوضي

نشر المؤلف محمود حمدان، أمس، على مواقع التواصل الاجتماعي، «فيسبوك»، خبر نقل العوضي إلى المستشفى منذ يومين، كاتباً «دعواتكم لأخويا أحمد العوضي بالشفاء، أحمد ممنوع عنه الزيارات، وهو محجوز في المستشفى من يومين وحالته صعبة».

وأكد مصدر مقرب من أحمد العوضي، أن نقله إلى المستشفى جاء نتيجة استنشاق كمية كبيرة من أول أكسيد الكربون، أثناء تصويره مشهد حريق في مسلسل «حق عرب»، مما تسبب في اختناقه ونقله إلى المستشفى.