فرح الزاهد تكشف عن كواليس وقوفها أمام ليلى علوي في "شوجر دادي"

قالت الفنانة فرح الزاهد، إن أول مشهد جمعها مع الفنانة ليلي علوي في فيلم "شوجر دادي" كان صعب جدًا لأنها كانت متوترة وعادت المشهد أكثر من مرة.

وأضافت "الزاهد" خلال لقائها ببرنامج "عيش صباحك": "أول يوم أشوفها فيه كنت متوترة أوي وكان أول مشهد معاها وعيدنا المشهد كتير أوي لأن كان فيه مشاكل في الزاوية بتاعتي وكنت بقول جمل غلط لكن هي كانت بتفضل تقول لي حلو أوي لحد ما أخدنا على بعض".

وتابعت أنها تعلمت من الفنانة ليلى علوي، الانضباط في كل شيء تقوم بها وحبها الشديد للعمل رغم صعبة المهنة وأنها قدوتها ومثلها الأعلى.

وعن سؤالها على شقيقتها الفنانة هنا الزاهد  وعلاقتها باختيار أدوارها، قالت: "باخد رأي هنا أختي بعد ما أمضي الدور خلاص وبسألها إيه رأيك أعمل الدور إزاي وكده، وباخد رأيها كمان لما العمل يتعرض وهي بتبقى صريحة معايا في رأيها، لكن مامتي هي اللي باخد رأيها قبل ما أوافق على الدور".

وفي سياق متصل، فيلم "شوجر دادي"  شارك ضمن الأفلام التي تم طرحها ضمن أفلام صيف 2023 وهو من بطولة ليلى علوي، بيومي فؤاد، تامر هجرس، محمد محمود، حمدي الميرغني ومن إخراج محمد كريم.