محمود عامر: بعدما كسبت في مذيع العرب قالوا هناك خطأ تقني وده آلمنى

كشف الفنان محمود عامر تفاصيل اشتراكه في برنامج "مذيع العرب"، قائلًا: قابلت واحد في المطار قالي أنا مشترك في برنامج مذيع العرب قلتلوا وأنا كمان قالي أكيد حضرتك لجنة تحكيم، قلتلوا لا أنا متسابق قالي ايه!، أنا كنت رايح فاكر أن 3 أيام وهمشي روحت لقيت 6 آلاف متسابق من الدول العربية وهنا كانت إرادة الفنان اكون أو لا أكون دخلت قلبت اللجنة فنجحت".

أضاف خلال حواره مع الإعلامية إنجي هشام في برنامج المنسي عبر قناة هي: "دخلت عملتلهم مذيع معاه تشت وبيعلم الستات في البيوت يمارسوا الرياضة إزاي، عملت كوميديا لدرجة أن طوني خليفة قالهم ما حدا فيكم يخش منطقة الكوميديا، محمود عامر إذا بيدولو موضوع بيرحلو على الكوميديا وانا ادغدر بيا في اخر البرابم لان الكمبيوتر قالي الراجل دا ناجح فجأة قالولي فيه خطأ تقني.

وتابع عامر : كان عندي حل من اتنين يا اضرب كرسي في الكلوب وانا على هوا وفي قناتين كبار جدا، واقولهم أنا مش نازل الكمبيوتر قالي أن أنا ناجح لكن أنا استشعرت أن اللياة خلاص فقولت أخرج فارس ومفرحش اللي هزمني وروحت اسلم على طوني خليفة عشان تعرفي أن المسألة كلها بزنس قالي يا استاذ محمود كنت عامل حسابي انك تخرج في البرايم الجاي يعني ايه ؟ يعني انتو مرتبينها .

"خدت ورشة عند مين"

كما كشف الفنان محمود عامر تفاصيل تعرضه لموقف مهين في أحد مكاتب الكاسيتنج قائلا :"الموقف دا وجعني وجع السنين وكتبته على صفحتي لأنه حصل معايا، الأجيال مش متواصلة أولا وفي شباب معذورة مش عارفين لكن الاوديشن في أوربا في بلاد الفرنجة لو بيعمل اوديشن بيجيب الممثل لو بيعمل دور س بيجيب فيه 3 ويعملهم ماكياج وملابس والدور بنقعد نحفظه يومين تلاتة وبندرب عليه وبيشوفوا على الكاميرا ودول ممثلين سوبر ستار بيحصل معاهم كده".

وتابع خلال حواره مع الإعلامية إنجي هشام، "إحنا عندنا بقي في الكاستينج دايركتور بيجيبوا مساعد تالت أو رابع الا من رحم ربي طبعا في مخرجين كبار ليهم كل التقدير بيبقي المخرج المنفذ أو المخرج بذات نفسه أنا مرة اشتغلت في مسلسل لبناني كان المخرج قاعد ذات نفسه رغم إني كنت عامل 3 مشاهد".

وختم عامر قائلا:"لما روحت عملت الاوديشن قالي طولك طب وزنك، وبعدها سألني خدت ورشة عند مين لو كنت رديت طبعا كانت هتبقي ليلة سودة، قلتلوا اااه وروحت رايح ناحية الباب ولا قولتلوا حاجة، وأنا واثق أنه أكيد قال دا أكيد مجنون ولا جراله حاجة، المواقف دي بتوجع".