ماجدة خير الله عن اعتزال ميرهان حسين: "الحكاية مش ناقصة هيافة"

قالت الناقدة الفنية ماجدة خير الله، إن خبر اعتزال الممثلة الشابة ميرهان حسين ليس كارثة وهناك العديد من الفنانين المهمين اعتزلوا الفن ولم تحدث هذه الضجة.  

وكتبت "خير الله" عبر حسابها الشخصي بموقع التواصل الاجتماعي "فيسبوك":  "لما سير دانييل داي لويس، الحاصل على تلاتة أوسكار وتاريخه السينمائي زاخر بالأفلام العظيمة، قرر اعتزال الفن فجأة بدون إبداء الأسباب، الدنيا ما قامتش وقعدت، والناس احترمت قراره وخلاص، تقوم لما ميرهان حسين تعلن اعتزالها الناس تقف على رجل، وكأن الفن هينهار من غيرها! ". 

وأضافت: "هو إيه الفراغ والهوان اللي بقينا فيه ده؟ قليل من العقل والضمير بقى  الحكاية مش ناقصة هيافة".

وكانت الفنانة ميرهان حسين، أعلنت اعتزالها الفن خلال الأيام الماضية حيث تعرضت للظلم بسبب قلة عرض الأعمال الفنية عليها وكتبت عبر حسابها بموقع تبادل الصور والفيديوهات "إنستجرام": "إجازة مفتوحة من الـ سوشيال ميديا والمكالمات والالتزامات والمجاملات والتواجد من أجل الآخرين مش هكون موجودة ولا عايزة حاجة من حد ولا حد يعوز مني حاجة واللي زمان أنا عيشته لغيري أنا دلوقتي هعيشه لنفسي".

وتابعت: "لا عايزة تقدير لا في شغل ولا في حياة ولا صحاب ولا حبايب ولا معارف ولا حاجة تستاهل ولا حد يستاهل اللي بيحبوني شكراً وكتر خيركم واللي مابيحبونيش شيلوني من حساباتكم لحد ماقدر أواجه الحياة الظالمة دي تاني سلام".

واستكملت: "تعبت وأشعر بعدم التقدير لشخصي ولموهبتي ولم اعتد البقاء في مكان ومع أشخاص لا تقدرني تعبت لذلك اعتزل".