حمو بيكا يوجه رساله لجمهوره: «لن يبقى إلا سمعتك وأثرك»

وجه مؤدي المهرجانات حمو بيكا، رسالة لجمهوره كنوع من النصيحة خلال أول جمعة من العام الجديد، من خلال حسابه الشخصي على موقع تبادل الصور والفيديوهات «إنستجرام».

ونشر حمو بيكا صورة له على «إنستجرام»، وعلق عليها: «هتمشي وتسيب كل حاجة.. وكل حاجاتك هتتورث وتروح لغيرك.. كل حاجة بتاعتك هتبقى بتاعت غيرك.. إلا سمعتك وأثرك».

واستكمل: «فلو هتتعب وتشقى علشان تسيب حاجة نضيفة ومش ملطوطة.. احرص تبقى سمعتك.. استثمر في سمعتك وسيرتك.. محدش هيقول غير كان كويس، طيب، جدع، خدوم، حنين.. خرجنا منها على خير وبسمعة طيبة وأثر طيب يارب.. أول جمعة في 2024 جمعة مباركة على كل أهلي وصحابي».

آخر أعمال حمو بيكا

طرح مؤدي المهرجانات حمو بيكا مهرجانا جديدا بعنوان «الصح بح»، عبر المنصات الموسيقية وموقع يوتيوب، ونشر فيديو من خلال حسابه الرسمي على موقع تبادل الصور والفيديوهات «إنستجرام»، يدعو متابعيه لسماع المهرجان الجديد «الصح بح مبقاش صح»

وعلق حمو بيكا على الفيديو: «الصح بح مبقاش فيه صح، حصريًا علي جميع منصات الاستماع»، وقال في الفيديو: «السلام عليكم كل جمهور حمو بيكا، وكل حبايب حمو بيكا، دلوقتي مهرجان الصح بح نزل على قناة اليوتيوب حمو بيكا، أرفع الشاشة لفوق ودوس على اللينك عشان تسمع المهرجان، لكل إخواتي إسمع تراك الصح بح، بحبكم يلا هجوم على اليوتيوب إخواتي».