مؤلف «الحريفة»: بنقدم فليم شبابي عن مرحلة الثانوية وفيه كوميديا طبيعية

كشف إياد صالح، مؤلف فيلم «الحريفة»، عن كواليس تحضير العمل عندما كان مجرد فكرة ووصولًا إلى تنفيذه على الورق، وطرحه داخل دور العرض السينمائي.

وقال «صالح» لـ «الجمهور»: «الفيلم مأخدش وقت كبير في كتابته.. والقصة كانت في بالي من بدري خاصة وأن مرحلة المراهقة أكتر حاجة كنا مشغولين بيها الكورة، موضحا أنه على مدار 6 أشهر تم كتابة أكثر من نسخة للقصة بهدف الوصول الى أفضل تصور .

وعن سبب اختياره لهذا الاسم للفيلم قال إياد صالح : «الحريفة هو اسم تجاري ومرتبط جدًا بالفئة العمرية اللي بنتكلم عنها، ولو كنت هختار اسم تاني كان هيبقى الشوط التاني.. لأن دي فكرة اللي الفيلم.. إنك ممكن تخسر في الشوط الأول ولكن تقدر تعوض خسارتك في الشوط التاني».

وأشار صالح، الى أن الفيلم يخرج من تصنيف الكوميديا، معلقًا: «فيلم الحريفة ميتصنفش كوميدي ولكن هو فيلم شبابي عن مرحلة ثانوي وفيه كوميديا طبيعية بناءً على أن أي شلة لازم يكون فيها حد دمه خفيف، فالكوميديا جاية من كده».