بعد إهانته لصاصا.. حسن شاكوش يهاجم محمود العسيلي: «معرفلكش ولا أغنية»

وجه مطرب المهرجانات حسن شاكوش، رسالة شديدة اللهجة للفنان محمود العسيلي، بعد تصريحاته الأخيرة، بشأن اعتراضه على تصدر مطرب مثل عصام صاصا الأكثر مشاهدة بالوطن العربي.

وهاجم  "شاكوش"، العسيلي من خلال فيديو نشره عبر حسابه الشخصي بموقع التواصل الاجتماعي "إنستجرام"، كاشفا عن حضور العسيلي لأكثر من حفله له أحياها خلال الفترة الأخيرة، ويستمع إلى هذا اللون من الغناء.

وقال شاكوش في الفيديو: "مينفعش نبقى في وش بعض نتكلم بأسلوب، وفي الضهر نتكلم بشكل تاني وبطريقة تانية، أنا مبحبش البني آدم اللى كده، محمود العسيلي جالى كذا حفلة وبنزل الاستيدج وأروح أسلم عليه ده ذوقيًا، وده اللى اتربينا عليه".

وأردف: "يعني أنت عرفت اسم عصام صاصا ومش عارف أغانيه، مينفعش يكون عصام صاصا تريند وأطلع أقول معرفش بيغني إيه".

وأضاف: "أقسم بالله مش عشان حاجة أنا مش حافظ أغاني لمحمود العسيلي ولا أعرفها، إحنا الحمدلله والشكر لله مسمعين وموجودين في الوطن العربي، اللى هيحترمنا هنشيله فوق دماغنا، واللى مش هيتحترمنا مش هنحترمه، مينفعش يطلع من بوقي لفظ يضايق أي حد وأنا بيسمعني عائلات وأطفال".

واستطرد: "بتقول الراب كمان هينتهي، طب لما الشعبي والراب هينام مين هيبقى موجود؟ أمال مين هيرقص الناس، إحنا لازم نحترم بعضينا ونقدر بعضينا ونخاف على مشاعر بعض، أنا راجل بغني وفي سوق ووسط النجوم فلازم أكون عارف ده بيغني ايه وبيعمل إيه، عيب إنك تقول عصام صاصا ومش عارف بيغني إيه عصام صاصا؟ بيغني هيندي؟ ربنا يهدي الجميع".