قريبًا.. رامي صبري يعلن موعد طرح أحدث ألبوماته «النهايات أخلاق»

يستعد المطرب رامي صبري، لطرح أحدث ألبوماته الغنائية «النهايات أخلاق» عبر موقع الفيديوهات «يوتيوب» وجميع منصات الموسيقى، خلال الفترة المقبلة، تزامنًا مع حلول عام 2024.

وشوق «صبري» جمهوره ومتابعيه للألبوم، عبر خاصية «استوري» بحسابه الرسمي على موقع التواصل الاجتماعي «إنستجرام».

ونشر مقطع فيديو من الأغنية، معلنًا عن طرح ألبوم «النهايات أخلاق»، حيث قال: «قريبًا في 2024».

رامي صبري يرد على الانتقادات للفنانين بسبب غزة

على صعيد آخر، قال رامي صبري خلال بث مباشر له عبر حسابه الرسمي بموقع إنستجرام، عن نقد الفنانين خلال الفترة الماضية بسبب أحداث غزة: «الكومنتات اللي بتقول أنت بتغني إزاي وفلسطين بتتضرب، يعني إحنا مش هنفضل قاعدين بناكل وبنشرب وبننام، فهي بس الناس اللي بتكتب الكومنتات دي مش فاهم بتكتبها على أساس إيه؟، ده شغلنا ودي عقود كاتبنها، ومنقدرش إننا منشتغلهاش.

وأضاف صبري: مش ببقى فاهم أوي الناس اللي مش عايزانا نغني ونشتغل، وبزعل لما بلاقي الناس بتفكر كدة لكن معنديش حاجة أعملها، فلسطين على فكرة بتتضرب من قبل ما إحنا نيجي الدنيا، وإحنا هنعمل إيه، بنعمل اللي علينا وممكن مثلا نغني لفلسطين وندفع فلوس وكل حاجة عشان نتضامن، لكن نوقف شغلنا».

واستكمل رامي صبري، قائلاً: بكبر دماغي، والناس اللي بتقول بتشتغل ليه يا فنان وفلسطين بتموت، ما فلسطين طول عمرها بتموت، مش فلسطين بس لا كل البلاد زي البوسنة، فنموت إحنا كمان عشان نبقى كويسين من وجهة نظركوا؟ مش هو ده التضامن، ما أنا ممكن أعمل حفلة وأتبرع بيها لفلسطين.