علاء مرسي: "أسما إبراهيم دبلوم صنايع قسم تبريد وتكييف"

علق الفنان علاء مرسي، على إدعاء الإعلامية أسما إبراهيم، بأنه اتهم الفنان محمد هنيدي بسرقة أحد أفلامه، وأنه كان السبب وراء خسارته البطولة.

وأكد «مرسي» في تصريحات خاصة لـ «الجمهور»، أن تلك الاتهامات ليس لها أي أساس من الصحة، ونفى تصريحاته بشأن تسبب هنيد في خسارة بطولة أحد الأفلام.

وكشف عن رأيه في رد هنيدي على أسما إبراهيم خلال حلقته معها ببرنامج «حبر سري»، قائلًا: «محمد هنيدي رده كان طبيعي وأنا لو مكانه هرد كده، أنا مش عارف إزاي ديه مذيعة».

وهاجم «مرسي» الإعلامية أسما إبراهيم، معلقًا: «المفروض لما تقوله حاجة زي كده تجبله الدليل، إنما هي عاوزة تعمل تريند أو تعبانة فنعذرها»، مردفا «وبعدين دي سألته سؤال غريب جدًا عن فيلم كان مع أشرف عبدالباقي، كإنها بتقوله إن أشرف كان نحس عليك، أنا مش فاهم إيه المذيعة ديه».

واستطرد مرسى، : «هنيدي كانت ردوده ذكية وواضحة وفي محلها، واتكلم عني وعن أشرف كويس، وهو عمره ما اتكلم على حد وحش ولا بيغلط في حد، بالعكس إحنا صحاب وعشرة، ةالمذيعة تقريبًا معاها دبلوم صنايع قسم تكييف وتبريد وحرانة فقالت الكلام ده».