محمود العسيلي يكشف عن رأيه في أغاني المهرجانات

كشف الفنان محمود العسيلي عن رأيه في أغاني المهرجانات، والتي انتشرت خلال الفترة الأخيرة بشكل كبير، وحقق نجاحات على المستوى الرقمي.

وقال محمود العسيلي خلال حلوله ضيفًا على برنامج حبر سري مع الإعلامية أسما إبراهيم أمس، إن فن المهرجانات قد شهد تراجعا كبيرا خلال الفترة الأخيرة بسبب تغيير الذوق العام.

وتابع: «الدنيا بتتغير المهرجانات كانت موضة والترند بيتغير مع الوقت وجت لهم فترة كانوا الحاجة المناسبة للذوق العام ودلوقتي اختفوا شوية عشان مش بيجددوا وبقى التراب هو الترند ومكسر الدنيا».

كما كشف عن رأيه في عصام صاصا وهو أحد أكثر المطربين استماعا على كافة المنصات في الوطن العربي، موضحا أن الأكثر استماعا مع الجيل الصغير الآن هو التراب وسيأتي وقت عليه وسيختفي لأنه مبني على موضة غير ناس قليلة عندهم شكل ثابت ويطوروا.

وواصل: «حمو بيكا وعمر كمال وشاكوش موجودين ونجاحهم كان كبير ودلوقتي بينجحوا في حاجات وحاجات لا ومش بقوا زي الأول وبيبقى ظواهر، والشاطر هو اللي يتحول ميبقاش ظاهرة ويكون له شكل خاص به ويكون فنان له لون وشكل بس معظم مطربي المهرجانات مش بيعملوا كده».