رامي جمال: «رجعت أشتغل كهاو.. اللي من القلب بيوصل للقلب»

جدد الفنان رامي جمال وعده مع جمهوره، بعودة أعماله الفنية مثل أغانيه التي قدمها من قبل، وبأنه سيعمل كهاو وسيختار الأغاني حسب حبه لها.

ونشر الفنان رامي جمال صورة له عبر حسابه الرسمي على موقع تبادل الصور والفيديوهات “إنستجرام”، وعلق على الصورة: “وعدتكم إن الأغاني الفتره اللي جاية إن شاءالله هتبقي زي اغاني زمان، لإني رجعت أشتغل ك هاوي زي زمان، رجعت أختار الأغنيه علي قد ما أحبها والنتيجه إن اللي من القلب بيوصل للقلب، وأديني #جيت_متأخر خليكم جاهزين للي جي”.

وفي السياق، تصدرت أغنية «جيت متأخر» للفنان رامي جمال مواقع التواصل الاجتماعي، عقب طرحها بـ«4 أيام» على المنصات الموسيقية وموقع يوتيوب وتخطت حاجز النصف مليون مشاهدة

وحلت أغنية «جيت متأخر» تريند اليوتيوب فى المركز الرابع منذ طرحها يوم الثلاثاء الماضي وحتى الآن.

«جيت متأخر» من كلمات: محمد مصطفى ملك، والحان: محمود أنور، وتوزيع: محمد ياسر مكس و ماستر: محمد مجدي جيتار: مصطفى نصر بيز جيتار: بيباوي.

وجاءت كلمات الأغنية كالآتي: «لأ جيت متأخر أيوة خلاص مابقاش نافع روح بقا ليه راجع، عايز أيه بتقولي وحشتك و المفروض أنا أكون عادي، لأ تلاقيك فاضي قولت اراضيك مش كنت طيب قولتها يا حبيبي في وقتها، كان ممكن أحسها ده أنا كنت في عرض كلمتين كانوا فرقوا شويتين ده أنا بصفى في ثانيتين ما كنت قصادك و انت مشيت و قسيت جامد أيوه نصيب وارد، يمكن خير بالعافيه طلعت بقلبي سليم فأنا مش عايز أي كلام خالص، قولت كتير مش كنت طيب قولتها يا حبيبي في وقتها كان ممكن أحسها ده انا كنت في عرض كلمتين كانوا فرقوا شويتين ده انا بصفى في ثانيتين».