«على الزيرو من تاني».. أسما شريف منير تحلق شعرها مجددا

فاجئت الإعلامية أسما شريف منير، جمهورها من جديد بعد أن حلقت شعرها على «الزيزو»، لتظل دائمًا محل جدل من خلال إطلالاتها أو بعض تصرفاتها التي يراها متابعوها «غريبة».

ونشرت «أسما» عبر حسابها الشخصي بموقع تبادل الصور والفيديوهات «إنستجرام» مقطع فيديو، معلقة: «مبسوطة أوي باللوك بتاعي أحب أقول إن اللوك ده عجبني ومريح بالنسبة لي حاولت أتخلص من اللوك ده وأخلي شعري يطول  لكني حلقت شعري تاني».

مواقف وضعتها في ورطة

ولم تكن هذه المرة الأولى التي توجه فيها العديد من الانتقادات لـ«أسما شريف منير» إذ كتبت عبر خاصية «إستوري» حسابها الرسمي على موقع الصور الشهير «إنستجرام»: «كل يوم أربعاء كنت بسهر مع صحابي، وكل مرة حتى لو بنبسط يوميها تاني يوم بيكون يوم وحش أوي، وكل مرة أقول مش هروح وبضعف وبروح، بقالي 12 يوم مروحتش، وده بدأ بأني حاسة إني عمري ما هعرف أرقص وأهيص في الوقت الصعب ده وبعدين بقى إحساس ليه علاقة بيا أنا واختياراتي».

وتابعت قائلة: «ذهبت اليوم إلى مسجد صالح الجعفري وصليت، وبعد ذلك ذهبت إلى مرقد الإمام الحسين وصليت صلاة العشاء، وكان شعور بالهدوء والسكينة الشديدين، وكان قلبي مطمئنًا وسعيدًا، وعندما عدت إلى المنزل، عدت من جهة المكان الذي كنت أسهر فيه وجلست أسبح لفترة، وشعرت كما لو أنني طلعت الأولى على المدرسة، أشعر بالقوة والانتصار على الشيطان وعلى نفسي».

واختتمت «أسما شريف منير»: «ده مش عشان أنا ضد السهر، خالص بس أنا ضد أنه يبقى محور حياتي، ويوم ثابت كده التوازن مهم في كل حاجة، وأنا مبسوطة أني كل شوية بفوق وبصلح وحدة وحدة، أنا بقول الكلام ده عشان عارفة إن في ناس زيي محتاجين يعرفوا إنهم مش لوحدهم، وأن هيجي عليك وقت تحس إنك محتاج تفوق وساعتها حقيقي هتكون سعيد بجد مش من برا بس ولا في السهرة بس، السعادة هتملي قلبك كله، ربنا يهدينا كلنا يا رب».