اليوم.. رامي صبري ونانسي عجرم في حفل غنائي بدبي

يتعاون الفنان رامي صبري، مع الفنانة نانسي عجرم في حفل غنائي جديد في دبي، من المقرر إحيائه، اليوم السبت، الموافق 9 ديسمبر الجاري.

ومن المتوقع أن يقدم الثنائي باقة مميزة من ألمع أغانيهما، التي لاقت رواجًا كبيرًا بين الجمهور، ومنها: «تيجي ننبسط.. كعبك عالي.. مللك الفرفشة.. حبك سفاح»، وغيرهم من الأغاني.

ويذكر أن أغنية «تيجي ننبسط»، التي طرحتها نانسي عجرم مؤخرًا عبر قناتها الخاصة بموقع الفيديوهات «يوتيوب»، حققت نجاحًا كبيرًا، ولاقت صدى واسع عند الجمهور.

كواليس عمل رامي صبري مع محمد الحلو

ونشر «صبري» عبر حسابه الرسمي بموقع تبادل الصور والفيديوهات «إنستجرام»: «صورة من 23 سنة تقريبًا، الفرق بينهم كبير جدًا، في الصورة اللي فوق كنت بشتغل كورال مع الفنان الكبير محمد الحلو، وكنت وقتها ببتدي أشتغل علشان أفهم يعني إيه مسرح وجمهور، وإزاي أتعامل مع الناس في الشغل».

وأضاف: «كنت دايمًا عارف إنها مرحلة تعليمية وهتمشي، مش هقف عندها علشان كده مكنش عندي طموح فيها، فضلت أشتغل كورال مع معظم النجوم ساعتها لحد ما لحنت لـ فضل شاكر وعامر منيب الله يرحمه، وبعدين شيرين أول ما ابتدت، وكل ده عارف إن هدفي لسه مجاش».

وتابع: «الصورة اللي تحت بعد كل اللي فات والتعب والمجهود الكبير جدا ربنا كرمني كرم كبير جدا وميزني من وسط فنانين كتير جدا وخلاني أكون واحد من أهم نجوم العالم العربي، الموضوع كله صدقني في الطموح، لو أنت بتحب نفسك ومآمن بنفسك وعندك الإصرار إنك هتوصل لمكان أنت مش فيه دلوقتي، صدقني هتوصل بس تصدق نفسك، ومفيش حاجه اسمها حظ، دي كلمة محصلتش معايا».