عمرو سلامة يكشف عن شعوره لحظة تلقي خبر وفاة مصطفى درويش

أعرب المخرج عمرو سلامة عن علاقته بالفنان الراحل مصطفى درويش، خاصة أنه رحل قبل الانتهاء من تصوير كل مشاهده بالعمل في فيلم «شماريخ»، وذلك في شهر مايو من العام الجاري.

وخلال تصريحاته في لقائه مع منى الشاذلي ببرنامج معكم على شاشة قناة ON، قال إن مصطفى درويش كتب له تعليقا على أحد منشوراته على «فيسبوك»، قبل رحيله بساعتين، ولذلك تلقى خبر وفاته بصدمة لم يستوعبها في البداية، حيث قال: «الموضوع كان مربك جدا».

وتابع عمرو سلامة: «أول مرة نتعرف على بعض كان في فيلم شماريخ، وهو جه الفيلم بترشيح من آسر ياسين، لما دخلنا التصوير كان عاجبني أوي كيميا آسر مع مصطفى، ولما توفى قعدت حوالي أسبوعين على ما سمحت لنفسي أفكر هعمل ايه في الفيلم لأنه مات قبل ما يخلص تصوير دوره».

وأضاف: «عشان أحل مشكلة غيابه في الفيلم غيّرت في مشاهد ككتابة، وكان في مشاهد متصورتش وعاملة أزمة كبير في الفيلم فحليناها بحيل مونتاجيه، عشان أحل المشكلة بسهولة كان ممكن أشيل بعض مشاهده، بس أنا مرضتش أشيل أي لقطة ليه، عشان يفضل أكتر وقت على الشاشة تكريماً ليه».

واستكمل عمرو سلامة: «وفاته كانت مرعبة تهزك جامد جدا، خاصة إن مصطفى صغير في السن، قدي أنا وآسر تقريبا، وكمية المفاجآت التي عرفناها بعد وفاته كانت رهيبة مفيش حد اتفاجئنا بكمية الخير الذي عمله قد مصطفى، كان محافظ على الجانب ده ومبيتكلمش عليه».